Edan呂爵安與JACE陳凱詠合唱新歌《漸漸我們》❤️首度合作就飾演過氣情侶？⭐️⭐️
《Channel音樂》Edan呂爵安與JACE陳凱詠合唱新歌《漸漸我們》❤️首度合作就飾演過氣情侶？⭐️⭐️
Edan呂爵安與JACE陳凱詠首度合作，推出深情合唱歌《漸漸我們》。JACE對新歌主題有話說：「我開頭都話唔想咁深情，可以輕鬆啲開心啲，甚至唱跳，點解要咁深情？」Edan就解開這個謎團：「開頭都討論咗一段時間咩方向，有試過想R&B、唱跳或者情歌，同監製T-ma都傾過，佢都真係整咗唔同嘅demo畀我哋，最尾揀咗最容易入腦、最有感染力嘅《漸漸我們》，同埋香港好耐都冇呢種男女合唱嘅情歌，都覺得係一個好嘅機會推出，下次再玩其他啦！」
談起二人的合作，大家必定想起最近才舉行過的《拉闊音樂會》，但其實Edan三年前已與JACE結緣。Edan憶述：「《拉闊音樂會》再對上次嘅合作係《激安百貨》，但一直都冇諗過音樂上合作嘅念頭，直到拉闊。」JACE也補充道：「既然都做得拉闊，就不如做隻合唱歌玩下啦！」Edan也點頭續道：「同得JACE合作當然唔好嘥，同埋過去有合作過，佢都算係一個幾好嘅合作對象，都有少少火花，有少少夾到，就不如把握今次機會。」
三年來建立的友誼與默契，也有利於他們在《漸漸我們》MV中飾演過氣情侶，不用培養情緒就可以直接埋位拍攝。JACE表示：「拉闊嗰一次演出嘅默契，當然係源自《激安百貨》，所以今次MV演出培養感情係唔需要㗎！一埋位就畀到，你見到我哋行嘅步速，都冇夾過，竟然都剛剛好！」不過Edan觀察到JACE在拍攝當日的一些微細舉動，忍笑說：「同埋今日（拍攝當日）JACE嘅情緒係100分，見到佢係咁眨眼⋯⋯」
JACE見Edan突然搞鬼，也配合搞笑：「因為我投入角色，見到前度，心情好複雜，唔知點算好，一亂呢就眼都係咁眨。」Edan聽到JACE的答案即回應：「咁下次睇下JACE喺啲咩場合，會係咁眨眼先！」此時JACE即反問佻皮的Edan：「咁你見到我係咩情感？」Edan也繼續戲言，表示：「我係好豐富地空白，見到前度，就空白晒囉！」
有Edan的現場就有歡樂，好似在《漸漸我們》MV的現場二人一直有講有笑，全場籠罩著開心的氣氛，但這次Edan卻遭遇連環不幸失策事情！他說：「其中一個shot係拍我，JACE影背脊，但佢對住我扮鬼臉，結果我認唔住笑咗囉，真係，點解佢咁可愛嘅，伸脷喎！」失策事件更包括偷偷與工作人員及其他演員夾定，要來一場惡作劇，可惜卻失敗了！
Edan說：「開製作會議時，突然諗起不如玩下JACE，如果我同MV中佢嘅男朋友仔拖埋手跟住走，睇下佢咩反應。」結果JACE竟然冇反應！JACE也一臉無奈表示：「你哋做得唔夠說服力，你哋拖手嘅時候，我唔知你哋做咩囉，如果你哋稍為有多啲進展，我會畀到多啲。點解你可以寓工作於娛樂，咁都整個prank（惡作劇）？你知有啲嘢要還㗎呵！？死梗呀佢。」似乎都可以預計，JACE之後將會還擊了，大家就拭目以待啦！
歌曲MV： • Edan 呂爵安 JACE 陳凱詠 《漸漸我們》 (Gradually) ...
編輯：Andy
==========================
🎤HONG KONG SINGER CHANNEL🎤
💛讓每一個人唱出心聲💛Let Everyone Sing From Their Heart💛
Follow我哋👇🏻👇🏻🥰🥰
▶️Facebook: Hong Kong Singer Channel
▶️Youtube: hksingerchannel
▶️Website: www.hksingerchannel
▶️Instagram: hkscchannel
#hksingerchannel #hongkongsingerchannel #香港歌手 #hksinger #hksinging #hkscchannel #hkig #漸漸我們 #jace #陳凱詠 #edan #呂爵安 #mirror #mirrorweare 陳凱詠 Jace Edan Lui 呂爵安 MIRROR Edan Lui 呂爵安後援團 Edan Lui Malaysia Fan Club 呂爵安馬來西亞後援會