Вера Никифорова "Киэһээҥҥи санаа"
Григорий Дохунаев тыллара
А.Алексеев мелодията
Таптыыбын киэһээҥҥи наҕылга
Түннүгүм аһаҕас турарын,
Намыын тыал сүрэҕи уоскута
Нарын кыыс оҕолуу кууһарын.
Бу кэмҥэ кинини кытары
Индигир биэрэгэр хаамарым...
Тапталым туһунан биир тылы,
Итэҕэй, кэпсэппэт буоларым.
«Ол, кырдьык, эдэр саас дьиктитэ –
Оннуга чахчылаах, - дэһэллэр, -
Дьиҥ таптал тылынан буолбакка,
Ол курдук бэйэтэ этиллэр».
Таптыыбын киэһээҥҥи наҕылга
Түннүгүм аһаҕас турарын,
Намыын тыал сүрэҕи уоскута,
Нарын кыыс оҕолуу кууһарын.