Əliağa Bakir - Atadır - Kamran M. YuniS
#əliağabakir #kamranmyunis #kamranyunis #qəzəl
#ata #vasifarifoğlu #yuxukimi #xəyyaməhrar #kamança
Əliağa Bakir - Atadır
Bəstəkar - Vasif Arifoğlu
Kaman - Xəyyam Əhrar
Hər bir övlada şərəf, şöhrət ilə şən atadır.
Başa tac, qəlbə fərəh, təxti-süleyman atadır.
Hörmətin saxlamalı daima aləmdə onun,
Çünki dünyaya səni bəxş edən insan atadır.
Olasan şah, yenə yox zərrə qədər fərqi onun,
Damcı sənsən onu bil, dəhridə ümman atadır.
Bütün övladi-bəşər dostun ola hər yerdə,
Yenə pis gündə sənin dərdinə dərman atadır.
Qədrini bilmək onun daima borcundu sənin,
Onda gör ki nə qədər olsa da nöqsan atadır.
Tutmaz heç etsə də qarğış ana gər övladı,
Naləsilə eyləyən kuyini viran atadır.
Ola pirani, yenə bil ki dayaqdır o sənə,
Südü vermişsə ana, cismdəki can atadır.
O da vaxtında verə borcunu övladə gərək,
Çünki övladı üçün sahibi-devran atadır.
Bakira öz yeri vardır atanın, övladın,
Nə qədər artsa da övlad, yenə sultan atadır.