Milchmaa – Exponat feat. Hannes Barfuss (prod. by Luxonee)
Vom Album "-muat". Jetzt überall erhältlich: https://bfan.link/muat
Text:
Goran Vulović – https://www.milchmaamusic.ch
Gesang:
Hannes Barfuss – http://www.wavinghands.ch
Beat:
Luxonee – / __luxonee
Video:
Atlaz Films (Karim Benachma & Sphend Salihu) – / atlazfilms
Additional Producing & Recording by HSA – https://www.henrik-hsa-amschler.ch
Mixing by Henrik HSA Amschler (Restless Audio) – https://www.restless-audio.com
Mastering by Dan Suter & Henrik HSA Amschler (Echochamber) – https://www.echochamber.ch
Grosses Dankeschön an alle Statist*innen und Helfer*innen:
Elodie, Chiara, Lena, Sarah, Lejla, Klara, Nadim, Onur, Luan, Ivo, Zara, Ivan, Art Dock Zürich
Text:
I bin doch kei Exponat
nur will i als a Ex-Jugo sit dr Sek numa Sechser in da Ex-a han
i bin au kei seltenes Zootiar
wo ma klina Kinder für Geld amix vorfüahrt:
„Luag mol Junior, besser als as Unicorn
a Jugo wo an d Uni goht, ohni sini Uniform
ohni sini Munition“, rüttel nit am Käfig
nit dass sich as Stereotyp do no bestätigt
i bin bloss a Kadaver, denn dia Media
sind Geier und sie kreisen um grosses Palaver
doch mini Antworta stellen
sie nit z frieda und drum bittens mi:
„Gohts kli banaler?“
will sus taug i jo nit als an Quota-Balkaner
blieba trotzig wia toti Spartaner
checken Flows vum Barblaner
Ref.
Jo, i bin an Gymi-Lehrer, muasch mi also nüma froga
jo, i bin an Usländer, muasch mi also nüma froga
hät is meh usgschlachtet, wär i au berüahmter worda
doch vor allem bin MC/„ähm, Sie?“ wia Schüalerfroga
Gruselkabinett, Kuriosität
hett i niamols denkt, dass i sowas erleb
bruuch an Moment, stuuna schu nit schlecht
schön, dass es no d Usnahm vur Regla do drinn het
Bin kei kolossala Blender, was Secondos anerkennen:
Kämpf für Chance, au wenn d Promophasa endet
Journis keien dura, als wäri das a Falltür
Hater sind am Buua, als wäri das do Kalkül
doch das isch jensits vu Marketingstrategie
spielsch du kei Rolla, bisch an Harlekin, Plapperi
nia meh wieder verschacher
i mini Integrität für Sendezit bim Aeschbacher
in dr Hoffnig, dass miar villicht bizli Cash machen
jez im Ernst, Alter
egal was so PR-Heinis miar wiis macha wetten
als ob dia, wo i erreicha will, döt igschalta hetten
glotza mina Zahla blöd wia an Picasso a
nüt verkauft trotz riesiger Diaspora
nia meh wieder Summer-Release, luag das Fiasko a
alli mini Fans stönd denn no in Chiasso a
Ref.
Z wenig Kampfasag, z viel Drumherum
degradiart zum Musterbispiel
z wenig Dampfabloh, z viel Entschuldigung
degradiart zum Musterbispiel
Gruselkabinett, Kuriosität
hett i niamols denkt, dass i sowas erleb
bruuch an Moment, stuuna schu nit schlecht
schön, dass es no d Usnahm vur Regla do drinn het
Pflanza Bajonett uf für das grossa Ganza
doch Hate vu minem Landsmaa, durchbohrt mi wia na Lanza
i verblüata langsam, dabi han i denkt, i spiela Winkelriad
plötzlich stoht dr Brutus hinter miar
au du?
Keina het mi je zum Wortfüahrer gwählt und wenn i Verständnis zeig
denn für d Strof, wo i kriag für dia Selbstgfälligkeit
2021