帝女花 - 庵遇, 相認 (陳寶珠 & 尹飛燕)
From a 2006 concert with 香港中樂團
(生) 飄渺間往事, 如夢情難認, 百劫重逢, 緣何埋舊姓呀,
夫妻斷了情, 唉鴛鴦已定, 烽煙已靖, 我偷偷相試佢未吐真情令我驚
(旦) 夭折紅顏命, 願棄凡塵伴紅魚和青磬, 敲經斷俗世情,
雖則烽煙已靖, 雖知罡風也勁, 守身應要避世, 休談愛戀經
(生) 論理佢應該要把夫婿認, 復合呀了偷偷暗中喚句卿卿。 徽妮公主!
(旦) 施主你叫喚何人呀?
(生) 我叫喚公主囉
(旦) 咁公主又係施主你何人呢?
(生) 公主係我妻房, 妻房
(旦) 施主你叫喚妻房, 應該在家中叫, 房中叫, 何解會叫到來佛門清靜地?
俗世塵緣事我唔願聽, 你莫尋偶清規地, 將觀音兩番誤作湘卿,
你似瘋癲, 我不禁失驚, 暗中念句經, 我今已將剃度半生夢已醒,
勸君休錯認, 我才十歲咋, 經棲身皈依佛法, 一心拜神靈
(生) 你真係咁忍心唔肯認我, 試問誰無父女之親, 誰無父女之情呢?
等我講先帝崇禎嘅慘事, 若果佢喊親呢, 就不問而知, 梗係公主叻!
等我試下你至得。
復向前朝認, 嘆崇禎巢破家傾, 你可有為佢沉痛沉痛敲經, 靈台裡嘆孤清,
月照全台靜, 一對蠟燭也無人奉敬呀。 師傅呀乜你喊呀, 唔通你就係公主?
(旦) 施主你錯叻。 皇帝係為我地而死嘅, 試問我地又點可以唔喊呢?
我哭故國凋零, 問誰個能忘自縊在煤閣謝民愛, 甘犧牲性命, 感先帝哭絕了聲
(生) 深宮裡有朵帝女花, 佢嘅慘處你可再願細聽
(旦) 帝女花已遭劫難, 我不願再聽, 怕荒山冷靜, 誰願與君孤單相對,
犯了清規玷辱了名。 施主我都知道你係一個傷心人, 但係可惜呢一處
唔係傷心地, 恕貧道不能奉陪, 我我要告退啦, 阿隬陀佛!
(生) 師傅你千祈唔好走住, 你我我求下你
(旦) 你求我乜野呀?
(生) 你帶我去燒香, 懺下舊情
(旦) 哎吔, 你你唔去得
(生) 點解呀?
(旦) 仙庵寶殿多清靜, 不要凡人妄敲經, 莫忘形, 我勸君勸君再莫染情狂病, 更未許再留停
(生) 師傅, 我叫你帶我去燒香, 你都唔肯, 你唔帶我, 我自己去
(旦) 你唔去得, 你都話唔去得囉
(生) 師傅, 我雖然未入過庵, 我雖然都未入過庵堂, 但係一望而知,
呢座就梗係觀音大士囉, 點解觀音大士蓮座之下有一男一女呢?
(旦) 一個係金童, 一個係玉女呀!
(生) 師傅呀, 咁係咪一自觀音以來就有金童玉女永不分離?
(旦) 係!
(生) 咁點解一自皇城劫後, 就淨番一個金童, 就唔見咗個玉女呢?
(旦) 出家人不明塵世事, 施主請上香啦
(生) 師傅! 觀音座下, 亦有對同命鳥, 悲鳳去樓空, 只剩得我情未罄呀,
向觀音哭泣獨吊離鸞影, 盼為我顯靈性呀。 師傅, 觀音菩薩係咪好靈?
(旦) 係呀!
(生) 觀音菩薩, 你大慈大悲救苦救難, 若果我能夠與公主團圓, 我真係答謝神恩
(旦) 佢太痴情, 悲婚姻難成, 斷碎了龍鳳配呀, 被戰火毀碎了三生證,
今生不再貪花月情, 天生宮花薄命, 怕認怕認, 寸心寸心,
碎盡已無餘剩, 更未許有餘情
(生) 師傅! 舊時個樂昌公主同個徐駙馬都可以破鏡重圓, 我又係駙馬,
人又係駙馬, 點解人地咁夠福, 我咁衰呢?
(旦) 我點知呢?
(生) 樂昌于昔日, 尚可破鏡重明, 樂昌釵分後, 尚與駙馬重認,
哀我一生一世寂寞, 虛有其名, 夢難成債難清
(旦) 休再感慨那釵分復合, 泣怨聲聲羞聽羞聽, 我不禁淚暗凝
(生) 師傅你呃我嘅!
(旦) 我呃你乜嘢?
(生) 你話觀音菩薩好靈, 我話佢一啲都唔靈。 罵聲觀音昏瞶, 你有千眼都唔靈,
好夫妻一朝相會, 你怎不負責調停, 枉燒香敲經將你侍奉, 枉她錯念經,
我將那香燭一切盡折斷, 我屈氣難平罵神靈
(旦) 咪玷辱觀音, 只怨你今世不配有駙馬名
(生) 遭百劫也留形, 我為花迷還未醒
(旦) 帝花嬌都不比柳花嬌, 我身世自幼孤單似浮萍
(生) 你從前多纖瘦呀, 一般秋水也含情
(旦) 對紅魚敲青磬, 我餐餐都食銀芽和白菜, 怎能與宮花相比併?
(生) 莫再不相認, 只怕我別後你病染相思症呀, 情何堪你在此孤零, 應感我熱誠
(旦) 你枉對修女亂說情
(生) 你太過不近人情
(旦) 我話你至不近人情, 盼狂生你重把婚盟聘, 歸去歸去我一片好心,
代替觀音點破你愚情
(生) 哭江山破夢覺繁榮, 鴛鴦劫玉女逃情, 寧以身殉博後評, 我寧以身殉不對玉 女再求情
(旦) 駙馬!
(生) 公主你認我叻咩?
(旦) 駙馬!