PYNKUP BUROM KA MIPF IA 3 NGUT KI CM BAD CEM KIBA MIH NA RIBHOI
Ban pyrto ia ki kam babha bad ka jingshakri paidbah kaba la len lade da ki riew khraw ha ki snem ba la leit noh khamtam kiba la lah ban wanrah ruh ia ka jingkylla ha imlang ka sahlang naduh ka roi ka par bad kiwei kiwei, na ka liang ka Meghalaya Indigenous People’s Forum (MIPF), Mawhati Circle mynta ka sngi ka la pynkup burom ia ki 3 ngut ki riew rangbah kiba la bat teng ia ka kam kum ki Myntri Rangbah ka jylla bad kynthup ruh ia ki 3 ngut kiba bat ia ka kam kum ki Chief Executive Member jong ka Khasi Hills Autonomous District Council.
Kine ki lai ngut ki riew khraw jong ka Ri Bhoi distrik kiba la bat teng ia ka kam kum ki Myntri Rangbah ka jylla ki kynthup ia u Dr. D.D Lapang, u Bah E.K Mawlong (Bam Kwai ha Dwar u Blei) bad u Bah J.D Rymbai katba ki lai ngut ki CEM ki kynthup ia u Bah C.B Syiem, u Bah RR Kynsai Makdoh bad u Dr. Celestine Lyngdoh kiba ka MIPF ka la pynkup burom mynta ka sngi.