ТЕРМЕ «Бір досым бар» Асқар Ысқақ (аудио терме)
"Бір Досым бар.."
Сөзін жазған: Нұрлан Қалқа,
Әнін жазған: Асқар Ысқақ
Бір досым бар-мені сөгіп күндейді
Бiр досым бар-менi сырттай жүндейдi.
Бiр досым бар-ештеңеден тайсалмай,
Емiн жарқын, аман-есен жүр дейдi.
Бiр досым бар-ылғи менi сөгедi,
Бiр досым бар-зарын маған төгедi.
Бiр досым бар-ылғи менi қорғаштап,
Бiр мен үшін қажет болса өледi.
Бiр досым бар-сырын маған айтады,
Бiр досым бар-сөзi маған батады.
Бiр досым бар-оның берген кеңесi,
Көңiлiмнен әркез шығып жатады.
Бiр досым бар-есiмiмдi мақтаған,
Бiр досым бар-дос болса да жат маған.
Бiр досым бар-көтеретiн көңiлiмдi,
Соны көрсем қуаныштан шаттанам.
Бiр досым бар-үмiтiмдi жалғайтын,
Бiр досым бар-сәлемiмдi алмайтын.
Бiр досым бар-бiлсең айтшы дегенде,
Бiлсе дағы бiлмеймiн деп алдайтын.
Бiр досым бар-қиындықтан қашпайды,
Бiр досым бар-барсам есiк ашпайды.
Бiр досым бар-қолда барын ұсынып,
Мерейiмдi бiр өсiрiп тастайды.
Бiр досым бар-тату-тәттi бәрiмен,
Бiр досым бар-жүршi дейдi әрiмен.
Бiр досым бар-ақыл қосар әр кезде
Дос дегенiң жақсы екен ғой бәрiнен!