МЭҤЭ-ХАҤАЛАС УЛУУҺА ТӨРҮТТЭММИТ КҮНҮНЭН!
"Мин Мэҥэбин"
Үс үөстээх Өлүөнэ
Үлүскэн сүүрүгэ
Кытылгын кууспахтыыр,
Кымыстыы кырылыыр.
Долгуйар Туймаада
Тамайар таһаата,
Эҥсэли хочото
Этэллэр: Эҕэрдэ!
Мин Мэҥэ буолабын,
Манчаары сиэнэбин,
Мэҥэбил - мин төрдүм,
Төлкөлөөх түөрэҕим.
Мин кииммин түһэрбит,
Биһикпин ыйаабыт
Бу манна мин дойдум,
Олоҕум, мин дьолум.
Төрөөбүт түөлбэбин
Туохха да биэрбэппин,
Киэн тутта аатт
ыыбын -
Эн оҕоҥ буолабын!
Мин Мэҥэ буолабын,
Манчаары сиэнэбин,
Мэҥэбил - мин төрдүм,
Төлкөлөөх түөрэҕим!
Бу кииҥҥэ тардыһан,
Сайдыыга талаһан
Кэлэллэр хотуттан,
Илинтэн - арҕааттан.
Хантан да буолларбыт -
Сахалар дэнэбит,
Сирбитин - уоппутун
Үрдүктүк тутуоҕуҥ!
Мин - Мэҥэ буолабын,
Манчаары сиэнэбин,
Мэҥэбил - мин төрдүм,
Төлкөлөөх түөрэҕим!
Лидия Андросова 30.01. 2019 Төҥүлү.