Sri Sarada Devi Stotram with meaning in English | Prakritim Paramam
#immortalbliss #sarada #saradadevi #birthday #sarvagananda #devotional #hymn #stotra #abhedananda #bhajan
Hymn on Holy Mother Sri Sarada Devi composed by Swami Abhedananda
Sung by Swami Sarvagananda
Lyrics in various Indian Languages available at:
http://greatmaster.info/saradadevi/sa...
Devanagari with English transliteration and translation available at:
https://greenmesg.org/ramakrishna/sto...
प्रकृतिं परमामभयां वरदां
नररूपधरां जनतापहराम् ।
शरणागत_सेवक_तोषकरीं
प्रणमामि परां जननीं जगताम् ॥१॥
Prakrtim Paramaam-Abhayaam Vara-Daam
Nara-Ruupa-Dharaam Jana-Taapa-Haraam |
Sharannaagata_Sevaka_Tossa-Kariim
Prannamaami Paraam Jananiim Jagataam ||1||
गुणहीनसुतानपराधयुतान्
कृपयाऽद्य समुद्धर मोहगतान् ।
तरणीं भवसागरपारकरीं
प्रणमामि परां जननीं जगताम् ॥२॥
Gunna-Hiina-Sutaan-Aparaadha-Yutaan
Krpayaa-[A]dya Samuddhara Moha-Gataan |
Taranniim Bhava-Saagara-Paara-Kariim
Prannamaami Paraam Jananiim Jagataam ||2||
विषयं कुसुमं परिहृत्य सदा
चरणाम्बुरुहामृतशान्तिसुधाम् ।
पिब भृंगमनो भवरोगहरां
प्रणमामि परां जननीं जगताम् ॥३॥
Vissayam Kusumam Parihrtya Sadaa
Caranna-Amburuha-[A]mrta-Shaanti-Sudhaam |
Piba Bhrnga-Mano Bhava-Roga-Haraam
Prannamaami Paraam Jananiim Jagataam ||3||
कृपां कुरु महादेवि सुतेषु प्रणतेषु च ।
चरणाश्रयदानेन कृपामयि नमोऽस्तु ते ॥४॥
Krpaam Kuru Mahaadevi Sutessu Prannatessu Ca |
Caranna-[A]ashraya-Daanena Krpaamayi Namo-[A]stu Te ||4||
लज्जापटावृते नित्यं सारदे ज्ञानदायिके ।
पापेभ्यो नः सदा रक्ष कृपामयि नमोऽस्तु ते ॥५॥
Lajjaa-Patta-[A]avrte Nityam Saarade Jnyaana-Daayike |
Paapebhyo Nah Sadaa Rakssa Krpaamayi Namo-[A]stu Te ||5||
रामकृष्णगतप्राणां तन्नामश्रवणप्रियाम् ।
तद्भावरञ्जिताकारां प्रणमामि मुहुर्मुहुः ॥६॥
Raamakrssnna-Gata-Praannaam Tan-Naama-Shravanna-Priyaam |
Tad-Bhaava-Ran.jita-[A]akaaraam Prannamaami Muhurmuhuh ||6||
पवित्रं चरितं यस्याः पवित्रं जीवनं तथा ।
पवित्रतास्वरूपिण्यै तस्यै कुर्मो नमो नमः ॥७॥
Pavitram Caritam Yasyaah Pavitram Jiivanam Tathaa |
Pavitrataa-Svaruupinnyai Tasyai Kurmo Namo Namah ||7||
देवीं प्रसन्नां प्रणतार्तिहन्त्रीं
योगीन्द्रपूज्यां युगधर्मपात्रीम् ।
तां सारदां भक्तिविज्ञानदात्रीं
दयास्वरूपां प्रणमामि नित्यम् ॥८॥
Deviim Prasannaam Prannata-[A]arti-Hantriim
Yogi-Indra-Puujyaam Yuga-Dharma-Paatriim |
Taam Saaradaam Bhakti-Vijnyaana-Daatriim
Dayaa-Svaruupaam Prannamaami Nityam ||8||
स्नेहेन बध्नासि मनोऽस्मदीयं
दोषानशेषान् सगुणीकरोषि ।
अहेतुना नो दयसे सदोषान्
स्वाङ्के गृहीत्वा यदिदं विचित्रम् ॥९॥
Snehena Badhnaasi Mano-[A]smadiiyam
Dossaan-Ashessaan Sagunnii-Karossi |
Ahetunaa No Dayase Sadossaan
Svaangke Grhiitvaa Yad-Idam Vicitram ||9||
प्रसीद मातर्विनयेन याचे
नित्यं भव स्नेहवती सुतेषु ।
प्रेमैकबिन्दुं चिरदग्धचित्ते
विषिञ्च चित्तं कुरु नः सुशान्तम् ॥१०॥
Prasiida Maatar-Vinayena Yaace
Nityam Bhava Snehavatii Sutessu |
Premai[aa-E]ka-Bindum Cira-Dagdha-Citte
Vissin.ca Cittam Kuru Nah Sushaantam ||10||
जननीं सारदां देवीं रामकृष्णं जगद्गुरुम् ।
पादपद्मे तयोः श्रित्वा प्रणमामि मुहुर्मुहुः ॥११॥
Jananiim Saaradaam Deviim Raamakrssnnam Jagadgurum |
Paada-Padme Tayoh Shritvaa Prannamaami Muhurmuhuh ||11||