Pagdayaw Sa Banwang Lezo
Municipal Hymn of Lezo, Aklan, Philippines.
Pagdayaw Sa Banwang Lezo
Music and Lyrics By: Pedro Bustamante
Lezo banwa nga naeoeotan.
Kimo amon nga ginhaead,
Bug-os namon nga handumanan.
Kalipayang ginahangad.
Tungod ikaw amon pinili
Nga pugad ku among lahi.
Suno sa imo nga istorya
Sa tiempo pa it Espanya.
Hulyo sais ikaw natawo.
Nagsiparar sa Kalibo.
Nahimo ka nga munisipyo.
Sakop mo dose nga kabaryo.
Bantog ka sa imo nga kueon.
Sa daga ikaw hay manggaranon.
AKELCO nga kimo nahamtang.
Iwag ka't bug-os nga Akean.
Eanas nimo hay mahanayhay.
Tubas nimo mais ag paeay.
Gakabuhi kami't mahilway.
Puno kami it kalipay.
Tungod sa among tagipusuon.
Rong Dios rong hari namon.
Patron namon si San Isidro.
Mabuligon gid nga totoo.
Ag kon kami man hay gapyesta,
Tanan kami gasinadya.