Игі істер күні
Наурыз мейрамын тойлаудың бесінші күні «Игі істер күні» деп аталады. Бүгін ондаған еріктілер мен әрбір аудан, қала белсенділері соғыс ардагерлері, жалғызбасты зейнеткерлер мен мүмкіндігі шектеулі жандарға көмек пен қолдауға арналған іс-шараларды өтуде.
Елімізде «Игі істер күні» тойлана бастағанына көп уақыт болмаса да, халық арасында кеңінен қолдау тауып, түрлі іс-шаралардың өтуіне негіз болды. Осы орайда облыс бойынша көлемінде жүздеген еріктілер қайырымдылыққа бағытталған түрлі іс-шаралар легін жұмыла ұйымдастыруда.
Еріктілер Ұлыстың ұлы күні Наурыз мейрамымен құттықтап барған алғашқы Ұлы Отан соғысы ардагерлерінің бірі Анастасия Светочева. Ол Күршім ауданындағы мектепті тәмамдаған соң, Ленинградқа оқуға кеткен. Сол уақытта сұм соғыс басталады. Анастасия Павловна Ленинград блокадасының ауыртпалығын бастан өткеріп, ұрыс алаңына ұмтылды. Бірақ жас қызды әскер қатарына алуға ешкім асықпаған. Тек 1942 жылы ол байланыс полкіне қабылданды. Кейуана биыл 100 жасқа толу мерейтойын өткізу қамына кірісіпті. Өзі бөлек жеке үйде тұрады, мүгедектер арбасымен қозғалады. Мұндағы еріктілер оның үйіне үнемі келіп, хал-жағдайын біліп тұрады.
Еріктілер онымен тығыз байланыста. Өздерінің қамқорлығына алып, қол ұшын созуға әрдайым дайын.
Көптен күткен шуақты күндердің жылуы – баршаға сүйікті Наурыз мейрамына ұласады. Көктемгі мереке күндері – молшылық пен құт-берекенің бастауы. Адамдар бір-біріне тыныштық пен бақ-береке тілейді. Ең бастысы, олар бір-біріне көтеріңкі көңіл-күй сыйлап, қамқорлық танытып, мұқтаж жандарға қолдау көрсетеді.