Атырауда 26 жоба іске асырылады
Каспий теңізінің Исатай ауданы тұсындағы жағалауында 500 орындық, Атырау қаласына қарасты Бесікті селолық округінде 300 орындық балаларға арналған емдеу-сауықтыру кешені салынады. Ал, Индустриялық-инновациялық дамудың екінші бесжылдығы шеңберінде облыста құны 3,1 трлн. теңге болатын 26 жобаны іске асыру жоспарланған.Нәтижесінде 3528 адам жұмыспен қамтылмақ. Шағын және орта бизнесті, соның ішінде ауыл кәсіпкерлерін қолдау мақсатында да ауқымды істер қолға алыныпты. Бұл туралы Өңірлік коммуникациялар орталығында өткен брифинг кезінде Кәсіпкерлік және индустриялды-Инновациялық даму басқармасының басшысы Айқын Елеусізов айтты. Оның мәліметінше, жыл сайын селолық округтерден мемлекеттік бағдарламаларға қатысуға өтініш білідрушілер саны артып келеді.