Atasını qətlə yetirən oğula ağır cəza | Bakıdakı dəhşətli hadisənin təfərrüatı
Atasını qətlə yetirən oğula ağır cəza | Bakıdakı dəhşətli hadisənin təfərrüatı
2023-cü il avqustun 29-u saat 10 radələrində Sabunçu Tibb Mərkəzində Fərmail Məmmədovun ölməsi barədə Suraxanı Rayon Polis İdarəsinin 30-cu Polis Şöbəsinə məlumat daxil olub.
Hadisədən bir gün sonra şübhəli şəxs qismində mərhumun oğlu, 1977-ci il təvəllüdlü Namiq Məmmədov saxlanılıb. Onun barəsində istintaq əməliyyatları aparılaraq toplanılan məlumatlar Bakı Ağır Cinayətlər Məhkəməsinə göndərilib.
Məhkəmə iclası zamanı iş üzrə dindirilən N.Məmmədov ifadəsində bildirib ki, o, spirtli içki aludəçisi olub. Elə hadisə günü də 2 litrə yaxın araq içib. Evə sərxoş halda gələrək yenə içki almaq üçün evdən pul götürəndə atası onu danlayıb.
Bu səbəbdən aralarında mübahisə yaranıb və atasını vuraraq pilləkənlərdən aşağı salıb. Bir neçə gün sonra isə atasının xəstəxanada öldüyünü öyrənib.
Zərərçəkmiş şəxs qismində dindirilən mərhumun həyat yoldaşı Sima Məmmədova ifadəsində göstərib ki, hadisə günü axşam saat 22 radələrində oğlu Namiq Məmmədov yenə evə içkili vəziyyətdə gəlib və 1 saata yaxın yatıb.
Oyanandan sonra o, mətbəxə keçib, əlində bıçaqla geri qayıdan oğlunu çağırmağa başlayıb. Amma uşaq qorxusundan digər otağa qaçıb. Oğlunun bu hərəkətini görən ana əri Fərmaili yuxudan oyadıb. Bu zaman isə N.Məmmədov qızı Simanı döyməyə başlayıb.
Səs-küyə yataq otağından çıxan Fərmail oğlu Namiqə nəvəsini vurmamasını bildirib. Bundan qəzəblənən Namiq atasına təpiklə möhkəm zərbə vurub. Zərbənin təsirindən yoldaşı pilləkənin məhəccərini sındırıb və arxası üstə daş döşəmənin üzərinə yıxılıb. Fərmailin başından təzyiqlə qan axdığından halsız vəziyyətə düşüb.
Fərmail Məmmədov qonşuların köməkliyi ilə xəstəxanaya çatdırılıb. Aldığı xəsarətlərdən 13 gün sonra isə xəstəxanada dünyasını dəyişib.
Məhkəmə iclasında Namiq Məmmədov elan olunmuş ittiham üzrə özünü təqsirli bilib. Zərərçəkmiş şəxsin hüquqi varisi məhkəməyə ərizə təqdim edərək təqsirləndirilən şəxslə barışmadığını qeyd edib, ona qanunla nəzərdə tutulan cəzanın verilməsini xahiş edib.
Bakı Ağır Cinayətlər Məhkəməsinin hökmü ilə Namiq Məmmədov Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) və 133-cü (işgəncə vermə) maddələri ilə təqsirli bilinərək 12 il müddətinə azadlıqdan məhrum olunub.
Bizi WhatsApp-da izləyin https://whatsapp.com/channel/0029VaAm...
https://t.me/bakutvxeber
/ baku.tv
/ bakutvofficial
https://www.baku.tv
ARZUNUN VAXTI ➧ • ARZUNUN VAXTI
QAPQARA ➧ • QAPQARA
AYDIN TARİX ➧ • AYDIN TARİX
ORALARDA NECƏDİR? ➧ • Oralarda necədir?
O VAXTLAR ➧ • O VAXTLAR
SONUNCU ŞAHİD ➧ • SONUNCU ŞAHİD
BAKU ANALİTİK ➧ • BAKU ANALİTİK
BAKU MED ➧ • BAKU MED
RƏSMİLƏR ➧ • RƏSMİLƏR
BAKU AKTUAL ➧ • BAKU AKTUAL
RETRO BAKU ➧ • RETRO BAKU
ARAŞDIRMA ➧ • ARAŞDIRMA
44 GÜN ƏSGƏR RƏŞADLA ➧ • 44 GÜN ƏSGƏR RƏŞADLA
QARABAĞ XRONİKASI ➧ • QARABAĞ XRONİKASI
QƏRBİ AZƏRBAYCAN XRONİKASI ➧ • QƏRBİ AZƏRBAYCAN XRONİKASI
Atasını qətlə yetirən oğula ağır cəza | Bakıdakı dəhşətli hadisənin təfərrüatı
2024 © All Rights Reserved ℗ "Baku TV" LLC ™
#bakutv #bakı #qətl #cinayət #cəza #hadisə #qatil #polis #namiqməmmədov #istintaq #ataqatili