C. LURI "Olive Thing Hnuaiah" Lyrics Video
Phuahtu : Pastor C. Saikhuma
Musicians
Guitars & Keyboards : Wayne Khin
Drums : Lawma
Bass : Po Clare
Lyrics :
Ka chhandamtu’n min tawngtai sak a,
Lungngâia rumin thinlung kehin;
A thlan thisenin a luang zawih zawih,
Min dilsakna chu a va hlu em!
Olive thing hnuaiah a tawngtai a,
Ka sualna chu a chunga nghatin;
“Ka pa he no hi min laksawn rawh,
Mahse i thu ni zâwk se” tiin.
A zirtirte’n an muthilh san a,
A chhang eitu doralah changin;
Hmelma hual velin an man ta maw,
Hling lukhum rapthlak an khumtir a.
Chhandamtu chunga thil thleng zawng kha,
Thinlung keha a lungngaihnate;
A kut, ke, nak, lu, hliamtirtu chu,
Keimah ka ni, aw, ka va sual em!
Lalpa, inchhirin ka rawn pan che,
Aw, ka sualna min ngaidam ang che;
Ka thinlung sual hi min silfai la,
Nang hmangaihtuah min siam ang che.