Бүгін ғылыми кітапхана қорына шешендіктанушы ғалым Қыдыршаев А. С. өз кітаптарын сыйға тартты
Бүгін ғылыми кітапхана қорына педагогика ғылымдарының докторы, профессор, танымал шешендіктанушы ғалым Қыдыршаев Абат Сатыбайұлы өз кітаптарын сыйға тартты. Атап айтсақ, Шешендіктану кітабы шаршы топ алдында ауызша сөйлеуге баулитын сан тарау әдебиеттердің ішінен белгілі бір дәрежеде өзіндік жол сілтеуші ,сөйлеуге даярлау барысымен көпшілік алдында сөз сөйлеуге бағыт – бағдар сілтеу, кеңес беруге арналған оқулық. Тәлімгер Ұстаз. Ғалым – журналист. Шешен – би. Қоғам қайраткері Қазақстан ғалымдарының биобиблиографиясы сериясының жалғасы болып табылатын бұл көрсеткіш - педагогика ғылымдарының докторы, профессор,танымал шешендіктанушы ғалым Абат Сатыбайұлы Қыдыршаевқа арналған. Биобиблиографияға ғалымның өмірі мен қызметін, қоғамдық және педагогикалық қызметін сипаттайтын мәліметтер, оның еңбектері және ол туралы әдебиеттер енгізілген.Көрсеткіш материалы хронологиялық тәртіппен орналасқан:әр жылдың көлемінде әліпби ретімен- қазақ тілінде,одан кейін орыс және шет тілдерінде жарияланған еңбектері беріліп отыр. Кітаптарды ғылыми кітапханаға келіп оқи аласыздар!