"Мроя" - Я - рок-музыкант (1989)
Я не люблю шыкоўных баляў.
Я не прыхільнік эстэцтва.
Мне не даспадобы духоўны гандаль
І талент, які прадаецца.
Я не люблю салодкіх спеваў
І песень рэстаранны варыянт.
Я з тых, хто не шкадуе свае нервы -
Я рок-музыкант.
Прыпеў: (2)
Я рок-музыкант старых традыцый
Гэта не прызванне, гэта пазіцыя!
Я супраць блакітных і залатых.
Я не выношу пустыя вочы.
Ведайце: я не з тых,
Хто жыве па законах ночы.
Хай праўда заменіць паветра,
Гітара скрыгоча, як танк.
Я сабе застануся верным -
Я рок-музыкант.
Прыпеў. (2)
Я не шукаю славы таннай.
Я пяю не для грошай.
Я хачу застацца салдатам,
Салдатам цяжкага фронту.
І нішто ўжо мяне не зменіць,
Думаць і граць буду толькі так.
Я хачу памерці на сцэне.
Я рок-музыкант.
Прыпеў. (2)