Mirelem qezel (Seyid Ezim Sirvani)
(Facebook Rəsmi hesab)
/ sabit.qasimov.9
(İnstagram Rəsmi hesab)/
/ sabit5555
Xəlqin îmânını gər, məkr ilə şeytân aparır,
O pərîçöhrə nədəndir ki, bəs îmân aparır?
Ey kaman qaşlı, məni yârələdi qəmzən oxu,
Zülfünü bas yarama, qoyma, məni qân aparır.
Dil çəkər cânı, sərî-kûyinə zibh etmək üçün,
Sanki, hüccâc Mina dâğına qurbân aparır.
Eşqdir əldən alan din ilə îmânı, vəli,
Xəlqdən, töhməti-bîhûdəni Sən'an aparır.
Zahid ol zülfdə rüxsârını gördükdə dedi,
Bu o hindûbeçədir, məktəbə Qur'an aparır.
Geyməyə kimsə ki, meydâni-məhəbbətdə kəfən,
Onu mə'şuqi-əzəl, məhşərə üryân aparır.
Çəkməyin Seyyidi-lâməzhəbi meyxânə sarı,
Kâfəri Kə'bə ara, hansı müsəlmân aparır?