Данчык - Беларусачка (1989)
Музыка Юрыя Семянякі
Словы Алеся Ставера
Я гляджу на твае косы русыя -
Не магу наглядзецца ніяк -
Беларусачка, беларусачка,
Дарагая сяброўка мая.
У краёх незнаёмых, нязведаных,
Буду ў радасці я ці ў журбе,
Беларусачка, беларусачка,
Не забуду ніколі цябе.
Я вярнусь да цябе, сінявокая,
Калі ў кветкі адзенецца гай,
Беларусачка, беларусачка,
Ты хоць зрэдку мяне ўспамінай!