Ramiz Rövşən - Mən səni qaranlıqda itirdim - Kamran M. YuniS
#kamranmyunis #kamranyunis #ramizrövşən #eminsabitoğlu
#şeirlər #poeziyateatrı #sevgişeirləri #şiirler #poeziya
Ramiz Rövşən - Mən səni qaranlıqda itirdim
Bəstəkar - Emin Sabitoğlu - "Özgə ömür" filmindən musiqi
Mən səni
qaranlıqda itirdim.
Sevindim günəş doğub,
hava işıqlananda.
Amma bütün qaranlıqda itənlər
işıqda tapılmır ki...
Mən səni qışda itirdim.
Getdin qarı tapdalaya-tapdalaya,
getdin, gözümdən itdin.
Ləpirlərin
qar üstə qaralırdı.
Düşüb arxasınca o ləpirlərin
səni axtarıb tapmağa
hələ ümid qalırdı.
Amma heyif!..
Günəş doğdu,
əridi ləpirlərin.
Səni qarmı apardı?
Günəşmi aldı məndən?!..