Ramiz Rövşən - Sən getdin - Kamran M. YuniS
#kamranmyunis #ramizrövşən #kamranyunis #poeziyateatrı
#şiirler #şeirlər #sevgişeirləri #aqşinəlizadə
Ramiz Rövşən - Sən getdin
Bəstəkar - Aqşin Əlizadə - “Hüzn valsı”
Sən getdin... mən pəncərədən
durub sənə baxırdım.
Səni hələ görə-görə
Səninçün darıxırdım.
Öpüşünün yeri hələ
istiydi dodağımda –
Mənsə sənsiz darıxırdım
pəncərə qabağında.
Sən döngəni burulanda
ürəyim lap sıxıldı.
Elə bildim bircə anda
pəncərədən yıxıldım.
Yox, mən ki, öz yerimdəydim
o yıxılan nəydi bəs?
Bu ömrümdən birdəfəlik
o yox olan nəydi bəs?
O yox olan ömrümüzün
bu günü, saatıydı.
Bu günün rəngi, qoxusu,
bu günün öz dadıydı.
Sən gedirdin; təzə-təzə
görüşlər ümidində.
Mən bilirdim; həmişəlik
ayrılırıq bu gündən.
Mən bilirdim; bu gün axşam
məni səfər gözləyir.
Başı üstə ulduz yanan
bir yad şəhər gözləyir.
Ömrün təzə səhifəsi
açılırdı qabağda.
Amma sənə bircə sətir
yer yoxdur o varaqda.
Sən mənimçün daha ötmüş,
bitmiş bir dünən idin.
Sən gedirdin... bilmirdin heç,
gedən sən yox, mən idim.