Дразды - Тата (рэпетыцыя)
ТАТА- гэта чарговы твор з праекту паэта Леаніда Пранчака і гурта Дразды
Словы: Леанід Пранчак
Музыка: Віталь Карпанаў
Аранжыроўка: Дразды
Я ТВАЁ ПРАДАЎЖЭННЕ!
леанід ПРАНЧАК
Разумее шпачыны спеў.
Разумее чужыя душы.
Бацька ведае мову дрэў,
Мову кветак, травы і птушак.
Іх нягучныя галасы
З малалецтва яму вядомы.
Бацька ведае мову вясны,
Мову працы і мову стомы.
Тата, родны татусь!
Як там, на небе, жывецца?
Ты – мая Беларусь,
Ты маё чуйнае сэрца.
Тата, родны татусь!
Гэта маё маленне:
Ты – мая Беларусь.
Я – тваё прадаўжэнне.
Не прывыкла рука да пяра,
А настрой – да пустой весялосці.
Бацька ведае мову дабра
І не ведае мовы злосці.
Разумее мяне без слоў.
Веру ў мудрасць яго парады.
Бацька ведае мову моў:
Бацька ведае мову Праўды.
Тата, родны татусь!
Як там, на небе, жывецца?
Ты – мая Беларусь,
Ты маё чуйнае сэрца.
Тата, родны татусь!
Гэта маё маленне:
Ты – мая Беларусь.
Я – тваё прадаўжэнне.
Я – тваё прадаўжэнне.
02.03.2023