Жүктілік кезінде тоқыма тоқу
Жүкті келіншек тоқыма тоқитын болса, ұршық иіретін болса немесе қолына ине-жіп ұстайтын болса, баланың кіндігі мойнына оралып қалады😱
Бұл да жиі келетін сұрақтардың бірі
Жалпы бұл ұғым бұрынғы уақытта әйелдер өте ұзақ уақыт осы әрекеттермен айналысқаннан шыққан болуы керек, өйткені расында да ұзақ уақыт бір жерде қозғалмай отыру жүкті әйелге зиян. Ұзақ уақыт қимылсыз отырған жүкті әйелдің жамбасында қан айналымы баяулайды, а ол нәрсе әйелге де, құрсағындағы балаға да зиян🤰🏻.
Бірақ қазіргі таңда тоқыма тоқығаннан бұрын, көп келіншектер ұзақ уақыт жұмыста компьюьютер алдында отыруы мүмкін. Ондай жағдайда 30-40 минут сайын тұрып, жаттығу жасап, кем дегенде 4-5 минут жүріп келуге тырысыңыздар🚶♀️. Сол кезде қан айналымы орнына келеді, ісік қаупі азаяды, балада гипоксия болмайды
Ал тоқыма тоқыса, ине-жіп ұстаса, баланың кіндігі мойнына оралып қалады деген әрине жалған ұғым. Керісінше, ондай дүниелер жүйке жүйенің тынышталуына көмектеседі. Егер сізге тоқыма тоқыған, ине-жіппен тігін тіккен ұнайтын болса, ешқандай жалған ұғымдарға сенбей, жасай берсеңіз болады. Бірақ жоғарыда айтып кеткенімдей, 30-40 минуттан сайын үзіліс жасап, қан айналымын орнына келтіруге ұмытпаңыздар☝🏻
Ал, қыздар, жүктілікке байланысты тағы қандай ұғымдарды білесіздер?