Адуута нютаг. Согтын Должин. Буриад арадай дуун.
АДУУТА НЮТАГ. Буриад арадай дуун.
Дуушан: Согтын Должин.
Саһатай Үеэсийн дэнжэ дээр
Сабидархай хээрэмни сабшална
Сагай хашаланда мордоһон
Сал буурал авамни хөөрхэй
Уняартай Үүнийн дэнжэ дээр
Утаhан халтарни заадана
Уран шувуунай дальбарайн дуун
Отхон намайгаа л бүүвэйлнэ
Хүндытэй Шэнэхээнэй нармай дээр
Хүринхэн хээрэмни үүрсэнэ
Хүхы шувуунай дальбарайн дуун
Хөөрхэн намайгаа бүүвэйлнэ
Хулхатай Хүйн хаялга дээр
Хотгорхон хээрэмни инсагаана
Хун шувуунай дальбарайн дуун
Холширхон намайгаа л бүүвэйлнэ.
Аралтай Үеэнэй тохой дээр
Ардагхан хээрэмни шэлгээнэ
Ангир шувуунай дальбарайн дуун
Айдархан намайгаа л бүүвэйлнэ.
2022.08.03 Tse.O