Кәсіби бағдар
Кәсіби бағдар: студенттер болашағы үшін күш біріктіреміз!
Бүгін Нархоз колледжінде 3-4 курс студенттеріне арналған ауқымды кәсіби бағдар беру іс-шарасы өтті. Кездесуге болашақ мамандарды сапалы даярлауға мүдделі түрлі ұйым өкілдері жиналды.
Талқылауға «Жанашыр» халықаралық қоғамдық қоры мен өзге де әлеуметтік серіктестер қатысты. Сарапшылар студенттерге болашақ мамандықтың қыр-сырын түсінуге көмектесіп, келесі мәселелерді ортаға салды. Бұл жай ғана дәріс емес, диплом алғаннан кейін кәсіби ортада қалай табысқа жетуге болатыны туралы шынайы тәжірибе алмасу болды.
Жай ғана практиканы мансапқа жасалған алғашқы нық қадамға қалай айналдыруға болады?
Қазір жұмыс берушілер арасында қандай дағдылар трендте?
Жұмыс рахат сыйлауы үшін мамандануды қалай дұрыс таңдау керек?
Еңбек нарығында бағдар алып, өз орныңды қалай табуға болады?
Нақты тәжірибе жинақтау үшін тағылымдамадан қайда және қалай өту керек?
Бүгінгі жұмыс берушілер неге баса назар аударады? деген сұрақтар төңірегіндегі
диалог еркін әрі нәтижелі форматта өтті.
Іс-шара барысында студенттер нақты жұмысқа және тәжірибеден өтуге шақырту алды.
Колледж ұжымы жастардың кәсіби әлеуетін арттыруға атсалысқан барлық қатысушылар мен серіктестерге алғыс білдірді.
Біз өз үлесімізді қосуға әрдайым дайынбыз және Нархоз колледжіне шақыртуы мен серіктестікке ашықтығы үшін ризашылығымызды білдіреміз!
Сіз үшін жұмыс таңдауда ең маңыздысы не? Жалақы ма, әлде қызығушылық па?