Asya Atakishiyeva kimdir?
1983-cü il fevralın 04-də Bakı şəhərində doğulub.7 nömrəli orta məktəbi bitirmiş, 2005-ci ildə Azərbaycan Dövlət Mədəniyyət və İncəsənət Universitetinin «Teatr kollektivinin rejissoru» fakültəsini bitirib. 2008-ci ildə «Rejissorluq» fakultəsinin maqistraturasına daxil olub. 2004-cü ildən Azərbaycan Dövlət Gənclər teatrında aktyor vəzifəsində çalışıb. 2009-cu il may ayının 1-dən Azərbaycan Dövlət Gənc Tamaşaçılar teatrının aktrisasıdır. Universitetdə Naibə Rəcəbovadan dərs almış, 4-cü kursda oxuyanda Hüseynağa müəllimin yanına gəlmiş ki, orada işləmək istəyir. Rejissorluq üçün müraciət etsə də aktrisa kimi işə qəbul olunub.İlk baş rolu Kamal Abdullanın “Kim deyir ki, Simurq quşu yox imiş” tamaşasında olmuşdur. Gənclər teatrı Gənc Tamaşaçılar Teatrına birləşdiriləndən sonra burda əsasən uşaq tamaşalarında oynayıb, əsasən də Nicat Kazımovun tamaşalarında.
İkinci baş rolu isə “Yatmış gözəl” tamaşasında olub. Bu tamaşadan sonra rejissorların gözünə çarpmışdır. Ardınca “Mənim ağ göyərçinim”də Turan, “Mən səni sevirəm”də Nazını oynamış, “Göyçək Fatma” da həmin vaxtların tamaşasıdır.