«Әдебиет пен мәдениетте шекара жоқ»
25 сәуір күні Б.Өтешов атындағы үлгілі балалар кітапханасы C.Сейфуллин атындағы орталық кітапханада «Кітап патшалығы шақырады» атты балалар кітап апталығы аясында «Әдебиет пен мәдениетте шекара жоқ» атты кітап апталығының қорытынды кеші болып өтті. Кешке балалар кітапханасы коворкинг орталығында 8 алаң құрды. Әр алаңда түрлі қызықты ойындар мен викториналық сұрақтар, театрланған көріністер қойылып, келген оқырмандар музей экспонаттарын тамашалады.
C.Сейфуллин атындағы орталықтандырылған кітапханалар жүйесі директорының міндетін атқарушы Гүлмайра Ағлақызы ұйымдастырылып жатқан іс-шараның мәні мен мазмұны зор екенін, балаларды оқуға қызығушылығын арттыру мақсатында өткізіліп жатқан іс-шараға сәттілік тілеп, ұйымдастырушыларға алғысын білдірді. Іс –шараға демеушілік білдіріп, қаржылай көмек көрсеткен «Жандос» супермаркетінің иесі, Жаңаарқа ауданының «Құрметті азаматы» жеке кәсіпкер Жансұлтан Қасымбеков, @zhandos_odezhda «Инабат» дүкенінің иесі, жеке кәсіпкер Жазира Жанатқызы @kosmetichka_zhanaarka «Жастар ресурстық орталығына» басшысы Гаухар Теміртайқызы @zhastaryzhanaarka алғысымызды білдіреміз. Кеш соңында іс-шараға белсене ат салысқан қатысушылар мен алаңдарда үздік ойын көрсеткен оқушыларға алғыс хаттары мен сыйлықтар табыс етілді.