ЖІГІТ СҰЛТАНЫ байқауы. 1-2 күн. Көкшетау. 2023 жыл.
2023 жылғы 5-6 қазан күндері Красный Яр ауылы, «Құлагер» ипподромында Абылай ханның 310 жылдығына, Ақан серінің 180 жылдығына және Иманжүсіп Құтпанұлының 160 жылдығына арналған «Жігіт сұлтаны» аймақтық байқауы өтті.
«Жігіт сұлтаны» аймақтық байқауына Ақмола, Қостанай, Павлодар, Солтүстік Қазақстан, Қарағанды облыстарынан және Қосшы қаласынан 20-29 жас аралығындағы 14 жігіт қатысты.
Бірінші кезеңде жігіттер өздерін таныстырып, өнерімен таң қалдырды, Ақан серінің, Иманжүсіп Құтпанұлының әндерін орындады. Екінші кезеңде қатысушылар жамбы ату, аударыспақ, кір тасын көтеру, армрестлинг және қазақ күресі сияқты спорттық сайыстарда ептіліктері мен шеберліктерін көрсетіп, күш сынасты.
«Жігіт сұлтаны» Бас жүлде иегері Павлодар облысынан келген Айбын Уахитов атанып, 500 мың теңге ақшалай сертификатқа ие болды.
Иманжүсіп Құтпанұлы атындағы «Білекті жігіт» номинациясы және 300 мың теңге ақшалай сертификатымен Қадыр Дәурен (Көкшетау қаласы), Ақан сері Қорамсаұлы атындағы «Өнерлі жігіт» номинациясы және 300 мың теңге ақшалай сертификатымен Екпін Тоқтар (Зеренді ауданы), Сұлтан Бейбарыс атындағы «Білікті жігіт» номинациясы және 300 мың теңге ақшалай сертификатымен Мағжан Узақбоев (Солтүстік Қазақстан облысы) марапатталды.