Neo _ الترجمانة الكبرى | ⵉⵏⵏⴰⵢⵔ ( Prod By AMZ )

Опубликовано: 07 Сентябрь 2026
на канале: Neo

215,206

11k

مابقاش باقي نكلاشي روابا خاسني شي وزير منتدب
العنصرية دهشام فرج فڭاع لي ماتش دالمنتخب
هنا ردو اللحية هرم ومن كل فن طرب
تا بغا يكتب بن كيران تاماريغت بخط العرب

هنايا حاربو تامازيغت كتر من الرشوة فالإدارات
وهيسبريس بلا هوية ولات كتمثل الإمارات
بن سعيد ڤيزا الرمان فينما لقاو شي إكتشافات
تسناو تا جاهوم ال أ د ن وطيح ڭاع الطابوهات

المهداوي على فلوس الأسدسنس راه لقا ڭاع الأدوات
غرة قضية عادلة مي فين بورمة فين ازاواد
المغاربة عشقو فلسطين كتر من الحوز وناس تاسافت
وهانية إلى سمارة تقصفات ماتسوقولهاش مع الأسف

مغربي بكل إفتخار الواليد فالصحراء بنا الجدار
أما جدودي فثاقا يشعان زعزعو الكينونة للإحتلال
فينما كنهز عيني فدرابو كنحس داخلي بإنتصار
كنقرا بينما وصلات نوبتي الدستور فقاعت الإنتظار

واش الكتاني اجي لساحتي وزيد شككهوم تا فعقيدتي
قوليهوم نيو صهيوني كدعمو الموساهد ها لابارتي
أمم شككهوم تا فأصالتي غانجيك بالرزة وجلابتي
وعلال الفاسي مجرم فكر من بعد ما قريت النقد الذاتي

غانولي موضوع حوار لشبيبة حزب الإستقلال
هادشي غادي ندخلوه ف إطار مستملحات ماشي إقتتال
أما كنشوفش راسي بطل ماشي تا الفارس المغوار
بلحق تلقاني ديما ديسبو نديرو مائدة حوار

كيفاش لي ضارب ط ن و لكوبرا تشرحليه تامازغا الكبرى
كيفاش لي طالع كاو فلبولڤار خو يستوعب حتا الفكرة
غانباليك كي ابو القاسم غنحط الترجمانة الكبرى
ونأرخ ليك تا ويلوڤ بوز كيفاش باغين يفكو الأسرة

هادي ماشي فرق تسود هادا ماشي إنفصال بالعكس
بغيناكوم تبغيو غا الماروك ماتبعو شرق ماتبعو الغرب
هادي ماشي خالف تعرف ماشي غلط إلى خرجت من السرب
غانبقا نقولك ديما فيق ماحد باقي البيت فالقلب

كلمة تاريخ مشترك حضارة إمبورطي لقطر
والوزراء بجوج جنسيات راه كنشوفها أكبر خطر
وغايناقشوني فشخصي أنا هادو ڭاع مايناقشو الأفكار
كايقولوليا صبعي موسخ فاش كانقوليهوم شوفو القمر

حييدو عقدة الأجنبي تحانو بيناتكوم المغاربة
أنا مغربي لا منتمي لا فحركة لا فنقابة
راه كيخدمو مونامي ونتا فرتت لحشيش فطابة
وطاطا نابيلة فرحانة هازة الوسطي وسبابة

ديرو إعادة نظر معتقداتكوم في خطر
فحلا كتصدم شي مسيحي وكتقولو المسيح بشر
فحالا كيسبني فوكونط وكيقولي نتوما غجر
وغانجي برجلي إلى تهوموني بلا مايسيفطولي حظر

ولد الأطلس راسي عالي عندي فالراب مابادئ
ولي كيسيبورطي البراني عرف دينمو غا لاجئ
ولي كيلحس فروابا كاملين عمرو ماغايكون أديب
واخا تشوفني ديما ساكت عندي سيدي دكل كديديب

روابا دلبلاستيك ڭاع ماتشدو بلاصتي
كاندير ديبروبليم كاندوز لبلا بلباستيس
باغي السن بالسن صافي ڭاع ماباغي جاستيس
راه كاتموتو بسم انا مول لبيت وحتا الأسيست

إتس نييو مادافاكا
Follow me on
SPOTIFY
https://open.spotify.com/artist/6cmgW...
DEEZER
https://www.deezer.com/en/artist/1002...
Apple Music
https://music.apple.com/us/artist/neo...
Follow me on Social media :
Instagram
  / neotheoriginal
Facebook
  / neotheofficialpage
Twitter
  / neo_theofficial
Mixed By: Neo
Prod By: AMZ
  / amz_the_loudest_boy
Mastering By: Neo

#nayyer