شيلة كرنفال الطيب | كلمات مالك متعب | اداء خالد آل بريك
كرنفال الطيب
مهداة لـ عبدالمجيد ابن عصاي
هذا الليل ماني والله بمستريح البال
وانا ما بعد سلمت لـ عتيبة رسالة
يشوق لـ غلاهم هاجس الشعر بإسترسال
ياحي القصيد اللي ينومس على فاله
على كرنفال الطيب يا طيبين الفال
سلامٍ يعيد المجد و يذكر الداله
نبي نذكر الافعال وانتم هل الافعال
نبي نرجع الماضي وكلٍ و منزاله
طناخة محمد عن طناخة ١٠٠ رجال
نطح غارةٍ طمعوا بـ اباعره خياله
لحاله كسرهم ما نشد وش هي الاحوال
لو الموت دون ابله .. نصى الموت بلحاله
وعلى نهجه صويلح جعل للثقال اثقال
تمركى على العز و على المجد و الطاله
يا كم اعتق ارقاب وتصدر بجاه ومال
يومٍ الضعيف بخيل في جاهه وماله
صويلح وعزّه مضرب الطيب والامثال
على ذكره تهاب الرجال اصغر عياله
و فـ أم رضمه قصره غدى للعرب مدهال
يا عز الدريك اللي ترك ربعه و جاء له
محمد ابن عصاي نسله كريم اسبال
من الاد دلبح حي منهم .. له ظلاله
من عتيبه الهيلا ذرى الملتجي لا مال
عليه الزمن والموت في نفسه اشوى له
يا عبدالمجيد العز من بين عم و خال
كسبته وحزته ما تبقى على حاله
———-
#شيلات_٢٠٢٣
#شيلات_مدح
#المتشد_خالدآل_بريك
#مالك_متعب
#النصر_الهلا
#موسم_الرياض
#مجلس_الصياهد