خطأ مهني يسبب في مقتل شرطي الحسيمة على يد بلطجي معربد
القصة الكاملة وراء مقتل شرطي الحسيمة
خطأ مهني كيتسبب في مقتل شرطي بالحسيمة
في الصباح بكرى ليوم الجمعة 26يونيو 2020 وقعت جريمة قتل بين معربد و بوليسي تفاصيل الجريمة و الواقعة اللي وقعت هي انه سيارة الشرطة كتقوم بالدورية ديالها في إطار الحفاظ على النظام و تأمين محيط السجن المحلي بالحسيمة
السيارة كتقوم بالدوري ديالها تعرضت للرشق بالحجارة من طرف معربد في عمرو 28 سنة بدأ كيضرب سطافيط بالحجر و السب والشتم لرجال الأمن الوطني هاذ الشي اللي خلى رجال الأمن تبليغ عن الحالة و تعطى امر بالقبض علىه و دفع رجال الشرطة باش يحاصروه و من بعد تقدم البوليسي المرحوم باش يمسك المعربد الا انه كيتفاجأ بضربات السكين اللي كانت قوية و اذت إلى جروح خطيرة حتى مول الأمانة دا أمانتو الله يرحم و يوسع عليه و يجعل مثواه الجنة عزاءنا لعائلة الفقيد و لأسرة الأمن الوطني
وفاش وقعت الجريمة دوريات الشرطة حلت بعين المكان تمكنت من توقيف المشتبه فيه وحتى السلاح الأبيض اللي ارتكب فيه هاد الفعل الإجرامي، حيث تم إيداعه تحت تدبير الحراسة النظرية رهن إشارة البحث التمهيدي اللي كتجريه المصلحة الجهوية للشرطة القضائية بالحسيمة تحت إشراف النيابة العامة المختصة، باش يكشف عن الظروف والملابسات المحيطة لارتكاب هذه الجريمة، و تحديد الدوافع الحقيقية.
و لكن كلشي كيتساءل علاش البوليسي مخدمش السلاح ديالو و كيفاش حتى تمكن منو المعربد
الشرطي اللي توفى كيخدم في رتبة حارس أمن مزال مكملش السنة الأولى ديالو و انو غير مؤهل لمثل هذه التدخلات
و هذا يعتبر خطأ مهني كيتحملو رئيس ديالو في العمل اللي تابع ليه المرحوم. في بعض الأحيان إشارات بعض المسؤولين كتكون غير في محلها و خصوصا اذا كانت غير قانونية و عطات نتيجة سلبية، مادية ممكن تعويضها لكن الروح لا تعوض باي ثمن
بقيت الإشارة الى أنه اعترافا بتضحيات الشرطي شهيد الواجب، ووفاء لتفانيه في خدمة قضايا أمن الوطن والمواطنين، فقد أصدر المدير العام للأمن الوطني قرارا يقضي بمنح ترقية استثنائية للفقيد، مع تكليف مديرية الموارد البشرية ومؤسسة محمد السادس للأعمال الاجتماعية لموظفي الأمن الوطني بتوفير كامل العناية والدعم اللازمين لأفراد عائلته.