គ្រប់គ្រងលុយប្រសើរជាងមុន តាម 3 វិធីនេះ
សូមចូលរួមជាមួយយើងខ្ញុំក្នុង ទិវាសន្សំអាស៊ាន 2024 ដែលរៀបចំឡើងដោយ ធនាគារជាតិនៃកម្ពុជា នៅថ្ងៃទី 31 ខែតុលា នៅទីតាំងបរិវេណវិមានឯករាជ្យ នៃទីរួមខេត្តកំពង់ស្ពឺ។ ក្នុងនាមជាអ្នកឧបត្ថម្ភមួយរូបនៅក្នុងទិវានេះ យើងខ្ញុំមានរៀបចំបញ្ជរ ABA នៅទីនោះ ដើម្បីឲ្យអ្នកចូលរួម បានស្វែងយល់បន្ថែមអំពីគណនីសន្សំច្រើនប្រភេទរបស់ ABA បើកគណនីរហ័ស ABA នៅបញ្ជរផ្ទាល់ និងចូលរួមលេងហ្គេមយករង្វាន់ជាច្រើនផងដែរ។
ដើម្បីអបអរទិវានេះផងដែរ ប៉េងអាន និង ឃី នឹងមកចែករំលែកគន្លឹះសំខាន់ៗមួយចំនួន ក្នុងការបណ្តុះទម្លាប់សន្សំឲ្យរឹងមាំ៖
1️⃣ ដកលុយទុកសន្សំសិន មុននឹងចាយ - រាល់ពេលបើកប្រាក់ខែ ឬទទួលចំណូលពីការងាររកស៊ី ត្រូវទម្លាប់កាតយកចំណែកណាមួយភ្លាមៗ ដើម្បីដាក់សន្សំ។ ទម្លាប់នេះ បង្កើតមូលដ្ឋានគ្រឹះដ៏រឹងមាំសម្រាប់អនាគតហិរញ្ញវត្ថុរបស់អ្នក!🌟
2️⃣ ប្រើគណនីដាច់ដោយឡែក សម្រាប់គោលដៅផ្សេងគ្នា – ទុកលុយសន្សំក្នុងគណនី ABA មួយ ហើយលុយសម្រាប់ចាយប្រចាំថ្ងៃដាក់នៅក្នុងគណនី ABA ផ្សេងមួយទៀត។ ការបែងចែកច្បាស់លាស់បែបនេះ ជួយកុំឲ្យអ្នក យកលុយសន្សំ មកចាយវាយ និងរក្សាគោលដៅហិរញ្ញវត្ថុរបស់អ្នកឲ្យមានលំនឹង។ 🎯
3️⃣ មានលុយបម្រុងសម្រាប់ករណីបន្ទាន់ - រក្សាទុកលុយបម្រុងដែលអាចរ៉ាប់រងការចំណាយរបស់អ្នក យ៉ាងហោចណាស់រយៈពេលប្រាំមួយខែ។
វិធីនេះ នឹងធ្វើឲ្យអ្នកស្រួលចិត្ត នៅពេលអ្នកត្រូវចំណាយលើបញ្ហាណាមួយដែលមិនបានព្រៀងទុក ដូចជាចំណាយថ្លៃពេទ្យ ឬការជួសជុលដែលចាំបាច់ជាដើម! 🛠
ជាមួយ ABA Mobile អ្នកអាចគ្រប់គ្រងការសន្សំរបស់អ្នកតាមគន្លឹះខាងលើ បានយ៉ាងងាយស្រួល ដោយក្នុងនោះ អាចចាត់ចែងការផ្ទេរប្រាក់ដោយស្វ័យប្រវត្តិ ជាមួយនឹងការតាមដានទម្លាប់ចាយវាយរបស់អ្នក គ្រប់ពេលវេលា គ្រប់ទីកន្លែង។
យើងខ្ញុំ រង់ចាំជួបលោកអ្នកនៅក្នុង ទិវាសន្សំអាស៊ាន – តស់! យើងនាំគ្នា អបអរសាទរការសន្សំ និងបង្កើតទម្លាប់សន្សំប្រាក់ទាំងអស់គ្នា!
#ABABank #ABAProudSponsor #NBC #NationalBankofCambodia #ASEANSavingsDay