Замкі і людзі. Частка 2
Выступае Сцяпан Стурэйка — гісторык, культурны антраполаг, выкладчык Еўрапейскага гуманітарнага ўніверсітэта (Вільня, ЛІтва). Занятак складаецца з двух частак. Першая прысвечаная “спадчыне як магчымасці для камунікацыі”, таму, які ўплыў мае гісторыка-культурны аб'ект на чалавека побач. Разглядаецца вялікая колькасць прыкладаў: ад фестываляў “Дажынкі” да рэспубліканскай праграмы “Замкі Беларусі”.
Другая частка больш практычная. Яна вучыць ці, хутчэй, “раздражняе” удзельніка, уключае яго ў ацэнку працы з аб'ектамі нерухомай спадчыны. Калі спрашчаць, то ацэнка адштурхоўваецца ад разумення, якая працы са спадчынай была якасная, якая не вельмі і як можна зрабіць лепей. Ацэнка адбываецца на канкрэтных прыкладах забудовы Вільні і рымскага Калізея.
Занятак праходзіў у межах курса для менеджараў гісторыка-культурнай спадчыны “Interhistory” http://www.publicrepublic.info/node/39