СЛОЕНАЙ САЛААТ 🍇
Кууруссалаах слоёнай салаат астыырга биhиэхэ наада:
Куурусса - 500 гр.
Сымыыт - 6 уст.
Оҕурсу - 1 уст.
Луук аҥара
Изюм - 100 гр.
Грецкэй эриэхэ - 100 гр.
Майонез
Виноград киэргэтиигэ
Слоёнай салаат астыырбытыгар улахан тэриэлкэ уонна 18 диаметрдаах кэтириир төгүрүк иhит наада, ол иhигэр салааппытын хомуйан баран бүтэһигэр хостоон ылыахтаахпыт.
Бастатан туран эрдэттэн ууга буhарбыт кууруссабытын бытархай гына кырбыыбыт уонна иhиппигэр кутан трамбовкалаан баран үрдүн майонезтыыбыт. Луукпутун бытархай гына кырбааммыт эмиэ иhиппитигэр кутабыт, ол кэннэ тута сибиэhэй оҕурсуну кыра гына кырбыыбыт, трамбовкалыыбыт, майонезтыыбыт. Инник курдук хардыылары сымыыппытыгар , изюммутугар уонна грецкэй эриэхэбитигэр оҥоробут.
Бүтэһигэр виноградпытын икки гына аҥардаан салааппыт үрдүгэр киэргэтэн уурабыт. Дьэ, уонна кэтириир төгүрүкпүтүн аа-дьуо өрө тардабыт.
Салааппыт бэлэм буолла!
Минньигэстик аһааҥ!