Zibié bôkay
Chant: Sylviane KIMBOO A/C Alain MARLIN
Valse créole
Illustration: AR Design Aurélie RANO.
Texte:
Zibié bòkay
Ou ka sòti dan mòn, voltijé dan savann
Ou pa ni sézon ou pa ni moman
Lè’w ka chanté lanati ka kouté’w
Lè mwen ka kwazé’w, la ou sé limiè
Ka kléré jounen mwen
Dé jou lè ou pa la sé tristes
Sé kon an lanmou san kares
Lajounen ka pasé ou pa vini chanté, mwen ka rété tousel é pa ni limiè
Pou kléré jounen mwen
Sé lè karenm rivé ou ni pli bel koulè
Kon flè glisériya ou fwomajé
Ou ka mété soley ou ka pòté bonnè
Tout kò-mwen ka chanté pas ou sé limiè
Ka kléré jounen mwen
Pandan livènaj ou ka vini sovaj
É menmsi an jou gwo loraj
Ou kon flechkann ki ka fléri
Mi bel mwa désanm pas ou sé limiè
Ka kléré jounen mwen
Ka kléré jounen mwen
Ka kléré chimen mwen chè
Ka kléré jounen mwen