2 бөлім: «Алтынды орда, ұран-жыр!» жыршылар кеші
«Алтынды орда, ұран-жыр!» жыршылар кешін Ізмұрат Молбаев Түмен Балтабасұлының «Маңғыстау» жырымен ашты. Бұл кеш батыс өңірдегі алдыңғы қатарлы жыршылардың басын қосты. Олардың барлығы да Маңғыстаудың дәстүрлі ән өкілдері Адайдың бес жүйрігі мен Жеті қайқы шығармаларының озық орындаушылар. Өзіндік бояумен әуені бар маңғыстау жырлары өзге өңір орындаушылары үшін ерекше.
Фархад Ораз - жыршы (БҚО)
Бір батыстың өзінде әр түрлі ерекшелік болады. Әнде,жыр да ,терме де . Жалпы Қазақстанда әртүрлі мектеп бар. Соның ішінде Маңғыстау өзінше ерекше, шоқтығы биік . Батыс мектебінің ішіндегі ерекше мектеп деп айта аламыз.
Алғаш рет өткізіліп отырған шараның негізгі мақсаты - дәстүрлі өнерді дәріптеу. Ата-бабадан жеткен асыл мұраны келер ұрпаққа боямасыз жеткізу. Өйткені, әр жыр мен терменің артында ел мен жердің тарихы, азаттықты аңсаған елдің мұңы, олардың көрген қуанышы мен сүйініші жатыр. Ал, тарихты білеу кез келген азаматқа міндет.
Есенбай Құли - Мұнайлы аудандық мәдениет, дене шынықтыру және спорт бөлімінің басшысы
Негізгі мақсатымыз-өсімтал, өрімтал жас ұрпақты көркем әдебиет, жырдың ішінде дін саласы болсын , адамгершілік, азаматтық тұрғысынан болсын , батырлық , ерлік патриоттық бағытта болсын осы қасиеттердің барлығының жиынтығы ата-бабаларымыздың жырларында тұнып тұр.
Дәстүрлі ән орындаушылары Қашаған мен Сәттіғұлдың,Түмен мен Қалниязыдың , Жеті қайқының әндерін сол қалпында нақышына келтіре жеткізді. Термеші мен жыршыны бір сахнаға жиып ақтаулық көрерменді асыл өнермен сусындатқан ұйымдастырушылар барлық өнерпазға арнайы марапат көрсетті.