Югалган авыллар, Буралы авылы Азнакай районы 31.07.15
Югалган авллар жыены Буралы авылы Азнакай районы.
Авыллары күптән инде басу белән тигезләнсә дә, җан һаман үзенекен итә - туган авыл, туган нигез дип җирси адәм баласы. Күңеленнән генә булса да, ул юкка чыккан авылының урамнарыннан «үтә», өй борынча «йөреп», капка саен авылдашларын барлый. Ни кызганыч, төшләргә кереп йөдәткән ул авылларның япа-ялан басуда зиратлары гына утырып калган шул инде... Моннан ике ел элек Азнакай районы Яца Ташлыяр авылы булган урынга стела кую уңаеннан уздырылган чарага тирә-як авыллардан гына түгел, бөтен республикадан җыыелган иде халык. Беткән авылның да үз җыены була ала, димэк. «Әле ничек кенә!» диячәкләр азнакайлылар. Җыенның Буралы авылы Сабан туе мәйданында узган быелгысы да шуны раслады.
Расиха Фәизова
“Шәһри Казан”