студент жастар арасындағы XVII Облыстық спартакиада
20 ақпан күні Қарағандыда Е. А. Бөкетов атындағы университетте студент жастар арасындағы XVII Облыстық спартакиада басталады. Биыл өңіріміздегі сегіз ЖОО оқушыларының жарыстары: баскетбол, волейбол, футзал, дойбы, шахмат, үстел теннисі, кір спорты, тоғызқұмалақ, асық ату, қазақ күресі, арқан тарту, Президенттік көпсайыс (оқ ату, шаңғы жарысы, күштік гимнастика) және жеңіл атлетика сияқты спорттың 13 түрінен өтеді.
Әр құраманың құрамында 128 адамнан болады. Жалпы командалық есепте жеңіске жеткен жеңімпаздар мен жүлдегерлер Қарағанды облысының дене шынықтыру және спорт басқармасының тиісті дәрежедегі кубоктарымен, дипломдарымен, спорт түрлері бойынша жүлдегерлер - грамоталармен және медальдармен марапатталатын болады.
Спартакиадаға қатысатын жоғары оқу орындары:
1. Е.А. Бөкетов атындағы университет
2. Медицина университеті
3. Қазтұтынуодағының экономикалық университеті
4. А.Сағынов атындағы техникалық университет
5. Б.Бейсенов атындағы ҚР Ішкі істер министрлігінің университеті
6. «Болашақ» Академиясы
7. Орталық Қазақстан академиясы
8. Теміртау қ. индустриалды университеті
2015 жылдан бері осы дәстүрлі спартакиадада жалпы командалық есептегі бірінші орынды Е. А. Бөкетов атындағы университет иеленіп келеді.