Қазақ газ өңдеу зауытының 45 жылдығына арналған деректі фильм
Мұнай мен газдың ірі кенорнының Маңғышлақта алғаш ашылуы – ғылымның атағы жер жарған жаңалығы, тарихтың айбарлы беті болып табылады.
Әйтседе, Маңғышлақтағы мұнай-газ өндіру өнеркәсібін игеріп дамытудағы, алғашқы күнінен бастап тарихи сәттердің барлығы ауыр кезеңдер мен тынымсыз ізденістерден, ұзақ зерттеулерден тұрады. Хронологиялық деректердің сол сәтте толық еместігі, ақпараттық деректердің жұтаңдау сатыда қалған күйде болуы, адамдардың үлкен еңбегі мен ерлігін, өзіндік үлесін қосуын сол кездегі жағдай талап етті.
Мұнай өнеркәсібін игеру, оны сатылап дамытумен қатар, осы кен орындарындағы туындаған өзекті күн тәртібінде екі мәселе тұрды, олар:
Маңғышлақ түбегіндегі мұнай мен газдың қомақты қорларын ұтымды пайдалану;
мұнай кенорындарынан шығатын ілеспе газды залалсыздандырып, газ және газконденсатын толық игеру мақсатында, арнайы Газ өңдеу зауытын салу мәселесі тұрды.
1971 жылдың наурыз айында Москва қаласында Совет Одағының Коммунистік Партиясының (КПСС) XXIV съезді өткізілді. «Өзен» мұнай кенорнын игеру, пайдалануда мұнайдың ілеспе газын залалсыздандыру мақсатында, съезд директивасының шешімі бойынша Маңғышлақта газөңдеу зауытын салуға шешім қабылданды. Және бұл құрлыстың маңыздылығы өте зор болды.
Толығырақ фильмнен көре аласыз.
Дайындаған:
Сценарий - Таңат Жолдыбаев
Режиссер - Мұрат Бекмағанбетов
Оператор - Бақытжан Бекмағанбетов
Монтаж - Бақытжан Бекмағанбетов
Оқыған - Талғат Сатыбалды