ഇസ്രായേല് ചാരപ്പണിക്ക് പണം ഒഴുക്കി,തുര്ക്കി പൗരന് എട്ടിന്റെ പണി | Turkey | IsraeI
തുര്ക്കിയില് ഇസ്രായേല് ചാരപ്പണിക്ക് സാമ്പത്തിക സഹായം നല്കിവന്ന വിദേശ പൗരന് തുര്ക്കി സുരക്ഷാ സേനയുടെ പിടിയില്. കൊസോവോ പൗരന് ലിറിഡണ് റെക്ഷെപിയെയാണ് തുര്ക്കി സേന അറസ്റ്റ് ചെയ്തത്.ഡ്രോണുകള് വഴി റെക്കോര്ഡിങ്ങിലൂടെ ഉള്പ്പെടെ ഫലസ്തീന് നേതാക്കളുടെ വിവരങ്ങള് ചോര്ത്തിയിരുന്ന തുര്ക്കിയിലെ ഇസ്രായേലിന്റെ ഫീല്ഡ് ഉദ്യോഗസ്ഥര്ക്ക് ഇയാള് പണം കൈമാറിയിരുന്നതായി ബന്ധപ്പെട്ട വൃത്തങ്ങള് അറിയിച്ചു. വെസ്റ്റേണ് യൂണിയന് വഴി തുര്ക്കിയിലെ ഫീല്ഡ് ഉദ്യോഗസ്ഥര്ക്ക് റെക്ഷെപി നിരവധി തവണ പണം കൈമാറിയിട്ടുണ്ടെന്നും വൃത്തങ്ങള് പറഞ്ഞു.ആഗസ്റ്റ് 25ന് തുര്ക്കിയിലേക്ക് കടന്നതു മുതല് ഇയാളുടെ പ്രവര്ത്തനങ്ങള് നിരീക്ഷിച്ചുവരികയായിരുന്നു തുര്ക്കി രഹസ്യാന്വേഷണ ഏജന്സി. തുടര്ന്ന്, ആഗസ്റ്റ് 30ന് ഇസ്താംബൂള് പൊലീസാണ് റെക്ഷെപിയെ അറസ്റ്റ് ചെയ്യുന്നത്. ചാരപ്പണിക്കായി താന് പണം കൈമാറിയിരുന്ന കാര്യം ചോദ്യം ചെയ്യലില് ഇയാള് സമ്മതിച്ചു.
#turkey #israel #spy