Mannam Memorial School Wedding Celebration
രതിസിന്റെയും ദേവിയുടെയും മംഗല്യത്തിന് സാക്ഷിയായി നരിയംപാറ മന്നം മെമ്മോറിയൽ സ്കൂൾ,ഹൈറേഞ്ചിലെ സ്കൂളുകളുടെ ചരിത്രത്തിൽ ഒരു പക്ഷെ ആദ്യമായിട്ടാകും ഒരു വിദ്യാലയം ഒന്നടങ്കം വിവാഹത്തിനായി കൈകോർത്തത്.വേറിട്ട വിവാഹം കാണുവാൻ കഴിഞ്ഞ കൗതുകം മനസിൽ ആവോളം നിറച്ചാണ് വിദ്യാർത്ഥികളും മടങ്ങിയത് .അധ്യാപകരും വിദ്യാർത്ഥികളും സ്കൂൾ പി റ്റി എ യും ചേർന്നാണ് ഇരുവരുടെയും വിവാഹം കെങ്കേമമാക്കിയത്
ഉപ്പുതറ ലോൺഡ്രി എസ്റ്റേറ്റിലെ രതിസിനും മേപ്പാറ സ്വദേശിനി ദേവിയ്ക്കും മന്നം മെമ്മോറിയൽ സ്കൂളിനോടും അവിടെയുള്ള വിദ്യാർത്ഥികളോടും പറഞ്ഞറിയിക്കാൻ കഴിയാത്തതത്ര കടപ്പാടുണ്ട്, കാരണം ഇവരുടെ ദാമ്പത്യ ജീവിതം ആരംഭിക്കുന്നത് ഈ വിദ്യാലയത്തിന്റ ആശിർവാദത്തോടെയാണ് , സങ്കീർണമായ ജീവിത പശ്ചാത്തലത്തിൽ നിന്നു വന്ന ദേവിയും വരനും പ്രതീക്ഷിക്കാത്ത വരവേൽപ്പായിരുന്നു സ്കൂളിൽ ഒരുക്കിയിരുന്നത്.....
ആഘോഷത്തിനൊപ്പം നിറഞ്ഞ സന്തോഷത്തോടെയാണ് മന്നം മെമ്മോറിയൽ സ്കൂളും,വിദ്യാർത്ഥികളും ഈ വിവാഹം കേമമാക്കിയത്.മലയാള മനോരമയോടൊപ്പം ചേർന്ന് നല്ലപാഠം പ്രവർത്തനങ്ങളുടെ ഭാഗമായാണ് രതിസിന്റെയും ദേവിയുടെയും വിവാഹപന്തൽ സ്കൂളിൽ ഒരുങ്ങിയത്.സൗഭാഗ്യ മംഗല്യം കാണുവാനെത്തിയ കുരുന്നുകൾക്കും ഏറെ കൗതുകം മനസിൽ നിറഞ്ഞിരുന്നു,ഉച്ചകഴിഞ്ഞ് 2.30 നും 3.30 നും ഇടയിലുള്ള മുഹൂർത്തത്തിൽ വരൻ വധുവിന് താലി ചാർത്തിയായതോടെ ഹൈറേഞ്ചിലെ സ്കൂൾ ചരിത്രത്തിൽ ഒരു താള് കൂടി എഴുതപ്പെട്ടു...
ഈ അധ്യയന വർഷത്തിന്റെ തുടക്കത്തിലാണ് സൗഭാഗ്യ മംഗല്യമെന്ന ആശയം സ്കൂളിൽ ഉദിക്കുന്നത് ,വിവാഹ ചെലവിനായി ഓരോ ക്ലാസ്സുകളിലും സൗഭാഗ്യ മംഗല്യനിധി കുടുക്കകളും സ്ഥാപിച്ചു.ഈ പണവും, സുമനസ്സുകളുടെ സഹായത്തോടെയുമാണ് വിവാഹം നടത്തിയത്.
നിരവധി അപേക്ഷകളിൽ നിന്നുംമാണ് വധു വരന്മാരെ തിരഞ്ഞെടുത്തത്,നിർധന കുടുംബത്തിൽ നിന്നുമുള്ള ദേവി നഴ്സിംഗ് ബിരുദദാരിയാണ്,വരൻ രതിസ് ചെന്നൈയിലാണ് ജോലി ചെയ്യുന്നത്.സ്കൂൾ മാനേജർ ബി ഉണ്ണികൃഷ്ണൻ നായർ,എച്ച് എം, എൻ ബിന്ദു, അധ്യാപകരായ അനിത ശേഖർ,ജോർജ് ജേക്കബ്, രക്ഷിതാക്കൾ എന്നിവരുടെ സഹകരണം ലഭിച്ചതും വിദ്യാർത്ഥികൾക്ക് പ്രചോദനമായി.കൈ നിറയെ സമ്മാനങ്ങളും മനസ്സു നിറയെ പ്രാർത്ഥനനയുമായിട്ടാണ് മന്നം മെമ്മോറിയൽ കുടുംബം വധുവരന്മാരെ യാത്രയാക്കിയത്
Song: LiQWYD - Coffee (Vlog No Copyright Music)
Music provided by Vlog No Copyright Music.
Video Link: • LiQWYD - Coffee (Vlog No Copyright Music)