Khrihfa Bu Kong Bible Biaruahnak Part (I) - Rev. Hoi Cung Tum
Khrihfa bu kong biaruahnak (Talk Show) a si. Tutan bialettu hi Rev. Hoi Cung Tum le Rev. Thawng Dun an si. Biahalnak ah aa tel mi pawl cu a tanglei bantuk hin an si. A hmun - GBC, Hakha
1. Khrihfabu cu zei dah a si? Hrinthannak a co lomi hna hi member ah cohlan khawh a si maw?
2. Hrinthannak a co rih lomi le ngakchia hi tipil pek phung a si maw?
3. Hrinthan hlan i tipilnak a rak ing ciami hna hi an in than awk a si maw?
4. Khrihfabu nih By-law le phunghram ngeih hi a herh maw? Ngeih lo dah a tha deuh?
5. Khrihfabu chung ah riantuannak (office) zeizat dah Bible ah a um?
6. Zei bantuk minung nih dah Pastor a tuan lai i zei dah a rian a si?
7. Khrihfa phung ning in nupi a thi lomi hna le a rak pawi cia mi hna Pastor an tuan awk a si maw?
8. Bishop, Elder, Pastor hna hi an i khat maw? Reverend tiah i auh hi a tha maw?
9. Bible nih nu pastor tuan a onh maw?
10. Bible ning in deacon tiah auh maw a dik deuh, khrihfa upa tiah auh dah? Zei dah an tuah awk a si?
11. Nupi he aa then bal cangmi hna hi deacon thim khawh a si maw?
12. Zu din le hmawmkhai a hmangmi hna hi tah kan thim hna awk a si lai maw?
13. Nu tah deacon ca ah thim khawh an si ve maw?
14. Bible ning in Church Chairman timi hi kan ngeih awk a si maw? Kan ngeih awk a si ah tah layman nih tlaih awk a si maw?
15. Khrihfabu hi centralization in maw a kal awk a si Local in?
16. Pastor hi Bible ningin zeitin dah lak ding a si? Centre lei in khinhpiak maw a si, mah local te nih dah?
17. Khrihfabu i then lengmang hi a tha maw? Doctrine ruang ah si lo in Holh le pengtlang in khrihfabu dirh hna hi biblical a si lai maw?
18. Minor doctrine le movement (laam le laam lo, keyboard tum le band tling in tum tbk) ruang ah khrihfabu i then a phu maw?
19. Laitlang khrihfabu vialte hi i fonh than khawh a si lai maw? I fonh maw a tha deuh, i fonh lo dah?
20. Khrihfabu nih acozah nawl hi zeitluk tiang dah a ngaih awk a si?
Rev. Hoi Cung Tum hi Grace Baptist Church, Hakha a dirka in Church Pastor a ttuanmi a si i, tu hi kum 13 hrawng a ttuan hnu ah Senior Pastor in aa dinh lio a si. A ttuan chungah Bawipa nih thluah a chuah hna i, member tampi an karh. Chin Baptist Convention, Hakha zong a dir i, Khrihfa bu tampi an i komh. An ngan ngaingai te lai tiah rak zumh mi an si. Seven Ones Private sianginn zong a tuah. Hlan deuh ah Bible sianginn zong a rak thok. Ramkip ah mirang holh in siseh, Lai holh in siseh Bawipa nih a ram caah a hman taktak mi Biblical Preacher a si. Bible sianginn a dihka in Christ For Every Creature Ministry a tuah. Bawipa nih Thlarau tlau tlaitu le Pathian Bia kilvengtu ah a hman ngaingai mi a si. Bawipa nih hmailei zong a hman lai tiah kan zumh. Bawipa nih a hman caah mi tampi nih Bible kan pemh i, piantharnak zong kan hmu. Tu hi Bible a leh lio a si. Kum 3-5 kar ahcun kan rel khawh cang lai tiah kan zumh. Tuhnu kum 5-10 ahcun International Speaker tiang in Bawipa nih a hman lai tiah kan zumh. A nupi cu Pi Tracy a si i, fanu pathum le fapa pahnih Bawipa nih thlua a chuah hna. A thawngtha ngaitu nih thla za cam piak zungzal hna usih.
Video Credit: Grace Baptist Church, Hakha