Liberal, Pentecostal Le Conservative Kan I Dannak - Ord. Pst. Hoi Cung Tum
Lai ram ah hin a tlangpi in Khrihfa chungah phun thum kan um.
Phukhatnak cu Liberal an si i, piangthar lo, Jesuh vel + mah tuahsernak tlawmpal, mah lei zuamnak tiah a kalpi mi an si i, a donghnak ah tuahsernak lengmang in an dong. Cawnpiaknak hmaan lo an i tlaih, a ruang cu khamhnak an co taktak lo caah a si. Bible hi tam deuh cu an zumh nain a dihlak in an zum kho dih lo, tutiang ahcun Lai tlang ahcun a tam bik pawl an si rih.
Phuhnihnak cu Pentecostal an si i, kum 2000 hnu ah a karh rang bik an si. A piangthar mi an tam deuh nain an kalning hi a si lomi lawng tein an kal. Cawnpiaknak hmaan lo an si. A ruang bik cu Lamkaltu cauk an fian lonak in aa thawk. Thlarau rianttuannak kha Khrihfa bu a dir ka bantukin tuah aa zuammi an si. Laam le holh theih lo le langhnak le mang in a kalmi an si.
Phuthumnak cu Evangelical Conservative an si i, an piangthar ttung, Bible ningcang tein kheu aa zuammi an si fawn. Bible ningcang tein kalpi a duh pengmi le biatak a dirpi taktak tu an si. Asinain Lai tlang ahcun milu in a tlawm bik an si rih. Biatak phuangtu an hun chuah saling a si caah duhsah tein a karh ding mi an si.
Mah phuthum hi a tlangpi in cun Lai ram i Khrihfa bu cu kan si. A dang cu min na bunh len zongah hi phuthum chungah kan i senh dih kho. Fiannak bawmtu kan hun langhter mi a si.
Video Credit: Khualhring Christian Church of Malaysia