Украина әскерінің орыс жерін билеп-төстеуінде саяси мақсат бар ма?
Ресейдің Украинадағы соғысы күтпеген жерден жаңаша бағыт алды. Украинаның әскери құрылымы бірден Ресейдің Курск аймағына басып кірді. Тосыннан жасалған мұндай әрекет Ресейдің билігін қатты састырды. Екі жетідей уақыт өтсе де Ресей бұған қарсы ештеңе істей алмай отыр. Ал Украина әскері мыңнан аса шаршы шақырым жерді билеп-төстеп, ол аумаққа коменданттық тәртіп орнатты. Жергілікті тұрғындардың қашқаны қашты, қалғаны қалды. Украина әскерінің бейбіт тұрғынға тимейтіні бесенеден белгілі. Әп дегеннен 120 мың адам эвакуацияланған. Ал шекарадағы Ресей әскери құрылымдарынан ешқандай қайыр болмаған. Ресей әскери басшылығының Курскіге үсті-үстіне жіберіп жатқан әскери бөлімдері шетінен тұтқындалып жатыр, оққа ұшқандарында да есеп жоқ. Украинаның Курскіге кірген әскері ол маңға Ресейден баратын үш көпірді жарып тастады. Қазіргі күнге сексеннен аса елді мекеннің аумағы Украина әскерінің бақылауында қалды.
Telegram - t.me/negemedia
Instagram - @negekz
Facebook - @nege.kz
Cайт - https://nege.kz/
#негекз #negekz #жаңалықтар