Azərbaycan Həmkarlar İttifaqları Konfederasiyası (AHİK) - “AHİK Könüllüləri” Proqramı
Azərbaycan Texniki Universitetinin akt zalında Azərbaycan Həmkarlar İttifaqları Konfederasiyası (AHİK) tərəfindən təşkil olunan “AHİK Könüllüləri” Proqramı çərçivəsində geniş miqyaslı infosessiya baş tutdu.
Tədbirin açılış nitqi ilə Azərbaycan Texniki Universitetinin maliyyə-təsərrüfat işləri üzrə prorektoru Rəşad Əliyev çıxış edərək könüllülük fəaliyyətinin əhəmiyyəti və gənclərin bu prosesdə fəal iştirakının vacibliyi barədə ətraflı məlumat verdi. Prorektor könüllülüyün həm şəxsi inkişaf, həm də cəmiyyətə xidmət baxımından önəmli olduğunu vurğuladı.
Daha sonra, Vüsalə xanım Hümbətli “AHİK Könüllüləri” Proqramı barədə geniş məlumat verərək, proqramın məqsədləri, gənclərin hüquqlarının qorunması və sosial inkişaf sahəsində atılan addımlar haqqında iştirakçılara məlumat çatdırdı. O, həmçinin proqram çərçivəsində tələbələrin necə iştirak edə biləcəkləri və gələcək fəaliyyətlər barədə də danışdı.
Tədbirin ikinci hissəsi interaktiv formatda davam etdi, iştirakçılar sual-cavab sessiyasında aktiv şəkildə iştirak edərək, öz suallarını ünvanladılar və proqram haqqında daha geniş məlumat aldılar.
#ati̇ahi̇ #thi̇k #aztu #ahik