شيله موطن الريم | ناصر الشيباني | كلمات عبدالله شباب الروقي | 2022
#ناصر_الشيباني_موطن_الريم_حصري
كلمات : عبدالله شباب الروقي
أداء : ناصر الشيباني
تصميم : خالد العويلي
كلمات الشيلة
قربو بالله مفتاااح قطاع الدياااار
وابعدو عني مابي لي مع الطرقه خوي
عرضوني خط جابر مابي خط المطار
لين اشوف الدايري قدم عيني مستوي
وياهل امن الطرق فكو لبن روق المسار
لو يجيكم موتره يطوي البيدا طوي
ليي شهر وانا مابين السهر والانتظار
كن من بين المحاديب نارن مجثووي
من شلع قلبه غرام العذارى والبكاار
شبع من صكات بقعاء و الاياام وروي
ودي اسريك يالجيب واللي صار صار
قدمك القرنه و خط النفوود الملتوي
ولا وصلت السكّه اللي مثل خط القطار
بحرفك للغرب و اكويك بالسرعه كوي
لين اشوف انوار داورد بالشوف القرار
بعدها يالجيب اميّز طريقي ماا اغوي
الغرام و لهفة الشووق للعاشق دمار
عاد كيف شلون لا جات في قلب بدوي
ما تخلي له من الصبر لو كبر الزرار
لا غزاه الشوق عوّد من الضيق يعوي
والهنوف اللي خذتني جهارٍ من نهار
مثل ما جدانها تااخذ البوش ضحوي
حبها حاصر ضميري و حيّه من حصار
وشوفها للقلب فرحه و دافع معنوي
كل ماقالت تراني على طااريك اغار
قلت انا اقوى منك لاكن حيل الله قوي
انتي اللي في وصوفك نبيه العقل حار
الله اللي كملك بالجمال الانثوي
فيك من عين النداوي ومن قحص المهار
و في رموشك صف عسكر و سطوة هندوي
وانثناة خصرك من اليمين اليا اليساار
انثناءة غصن موز ٍ على جال محوي
وصوتك يغيب بالاذهان اشد من السكار
والمزايا النخبويه و الاسم النخبوي
الوكاد و زبدة العلم كله باختصار
انتي فرديه و باقي العذارى مقنوي
ياحفيدة روس الابطال والاسماء الكبار
اللي لسماهم على قمة الطاله دوي
سامحيني و اعذريني مدام الوقت جار
الزمن عيا لا يمشي على الوجه السوي