هو انت اعتزلت ولا ايه ؟! 😕|| اسرار و حكايات عن فترة غيابي عن اليوتيوب استمرت لمدة 6 شهور ! 🥺
السلام عليكم ورحمة الله وبركاته
ازيكم يجماعه
عاملين ايه ؟!
يارب تكونوا ديما بخير
معكم اخوكم محمد من قناتكم المفضلة تكنولوجي دوت ايجي
حلقى النهاردا مش هتكون عن باتش من باتشات ولكنها حلقة مهمة جدا حابب انشرها لكل واحد عرفنى او استفاد منى فيوم من الأيام سوا بتحميل باتش او بفهم معلومة
في البداية و كالعادة بعتذر لكل واحد انا متأخر عنه في الرد على تعليق او رسالة
و على فكرة دا مش اسلوبي بل بالعكس انا من يوم ما فتحت القناة او اخدت قرار انى أكون متواجد على اليوتيوب
كان هدفى الأول و الأخير هو مساعدة الناس فقط لا غير
غير مهتم بالربح او بالشهرة خالص
حتى من المتابعين القدامى ليا عارفين انى كنت مش بسيب تعليق على قناتى مش مردود عليه و ناس كتير كنت بساعدها سوا من حلقات يوتيوب او مساعدة من مكانى عبر التيم فيور او حتى انى ارحله مكانه سوا سيبر او البيت حتى فدا توضيح و اعتذار منى لكل واحد متابع ليا ع القناة
ولكن حابب اشرح الأسباب لكل واحد مهتم انه يعرف
أولا :- أسباب قهرية
اللى لازم كل متابع يعرفه هو انى تعرض للأسباب كتيرة جدا خلتنى ااخر انزل اى محتوى ليا منها انى في تاريخ 13/5/2022 أصيبت ب انفصال شبكي في العين اليسري و تعرض لجراحة طواري في وقتها و قعدت على اثرها 3 شهور و من يومين تعرض لعملية اخري لرفع الخياطة اللى بالعين و خلال الفترة دي كان في متابعات كتير لحالة العين اللى كنت من خلال العمليات دى هفقد الروية خالص .
فضلا عن العملية اللى كنت عاملها في اول السنة و بكدا أكون في سنة 2022 اتعرضت ل 3 عمليات جراحية خطيرة
ثانيا أسباب ملازمة و اضطهادية
في تاريخ 24 / 2 /2022 حصلت على مخالفة رسمية من احدي صناع الباتشات و اليوتيوب قالى انى دي مخالفة أولى لقناتك و انى عشان اشيلها يجب انى اتواصل مع صناع الباتش دا و اخليهم يرفعوا المخالفة عنى و يتنازلوا
ف روحت فعلا و بكل الواسائل التواصل حاولت اتواصل معاهم و بعد فترة ردو عليا على الفيس بوك و قولتلهم انا بعتزر انى نزلت الباتش بدون اذنكم و ان الباتش جميل و انه تستحقوا الإشادة و انا جربته كا مستخدم و حبيت افيد الناس انها تحمله و جالى مخالفة و اليوتيوب قالى اتواصل معاكم و كلام كله احترام
اتفاجئت ان رد الناس عليا كان صارم جدا و ان احنا مبلغين ان محدش ينزل شغلنا و ان اللى عملته جدا غلط و كلام فيه غرور و تناكه جدا يعنى
في طبعا عشان انا غلطان قولتهم انا بعتذر وانا فعلا مكنتش اعرف و أتمنى انكم تتنازلوا عن المخالفة و انا مسحت الفيديو من بدري أصلا
ف رفضوا و قالوالي عشان تكون عبرة لكل اللى بيعمل كدا
وكلام غريب جدا منهم
مش متخيل يعنى ان في ناس كدا\
كنت فاكر فعلا لما يعرفوا انهم يلاقوني اني معرفش انهم يتنازلوا و عفا الله عما سلف
لكن لا
أسلوب غير لائق و طريقة مش محترمة الى حد ما في الرد عليا
و هو عارف انه هيأذيني في قناتى
و دى الحاجة الوحيدة اللى بحبها و بحب اتواصل مع الناس من خلالها
عامة لهم كل الاحترام
وأتمنى من الناس انك في يوم لو قدرات تبتكر اى حاجة
انك متحجبهاش عن الناس و فييد غيرك بيها
ثالثا :- أسباب غريبا وجديدة
طبعا كلنا عارفين ان سياسة يوتيوب بتتغير من وقت للتاني
يعنى انا مثلا من 2015 من ساعة ماعرفة يعنى ايه يوتيوب و سياسته و طريقته ولحد دلوقتى مريت بساسيات جديدة و تغيرات كتير
فعلى سبيل المثال تواجهنا انا و عدد من اليوتيوبر الاخرين حذف لفيديوهاتناا عن طريق اننا بناخد محالفه عليها
بسبب اننا بنعمل فيديوهات عن الباتشات
و اليوتيوب بيبعتلنا رسالة محتواه زي مهو ظاهرة على الشاشة قدامك و الفكرة كلها بتقول اننا بنقدم محتوى مدفوع بشكل مجانى و دا يعتبر مخالف للساسية
اختصار للكلام انى من النهاردا هاكون و في طريقة جديدة اود ان اعلمك بها وهي عن طريقة عمل قناتى
طبعا انا مش هقدر اجازف بقناتى في انى انزلكم الباشا تلانها ممكن تتحذف و ساعتها مش هقدر اجمع كم الناس دي أي نعم احنا عنددنا مش كتير بس والله انا ال5000 الى معايا دول عندى بالدنيا
ولكنى بردو مش هقدر اضيع جمهوري مني و مساعدهوش
ف قررت انى هكمل نزول بياتشات بس عن طريق نزول الجيم بلاي هنا على القناة و نزول طريقة التنزيل على المدونة بتاعتى
كدا كدا مش فارقة معايا بحاجة
وانى لو لازم اضحي بحاجة لاجلكم في انا هضحكى بالمدونة لاجل ما تستمتعوا و تحملوا الباتشات و تلعبوا و تفرحوا
مرة تانييه بعتذر للناس اللى اتاخرت عليه
و أخيرا نقدر نقول هلا بالعودة
وشكرا و السلام عليكم ورحمة الله و بركاته \
اها صح نسيت اقولكم انى هشوف كل التعليقات اللى على الفيديو دا و بس كدا
_______________________________________________________________________
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
رابط قناتى على اليوتيوب :- https://www.youtube.com/channel/UCHNu...
رابط حسابي على الفيس بوك :- https://www.facebook.com/profile.php?...
رابط المدونة :- https://egyptiontech74.blogspot.com/
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||