We do stupid things!
係2012年9月就會離開香港, 開始1-2年, 澳洲的Working Holiday 生活。
呢條片可能係離開之前既最後一條，記底我在香港的美好回憶，多謝令我生活多姿多彩的你們。
唔好意思，今次抽左John Lennon水, 成功爭取到John Lennon出鏡。
已經好一段日子，上傳/發怖影片既目的, 都唔係為在要show off, 不係要比人睇自己既能力, 諸如此類的... 做片既目的，係希望用影像來表達，傳遞一d信念，一d訊息。
一路以來，不論係係街上Parkour，練習定係不管他人目光做人們認為瘋狂的事，群眾的眼光都彷彿總係說"條友痴線嫁"，有好多同身邊緣子女示意唔好學佢咁，年輕既都以笑容回應，有包括嘲笑同恥笑，以自己放得高高的之後再鄙視你。
呢一切都唔重要。
社會，總是有一套方式，起身，返工，食飯，再返工，放工之後迫巴士地鐵，之後返屋企沖涼柯屎訓教，不停既無限重複， 用勞工供養富有的一群，被壓榨既同時被社會同化，買樓，結婚，養妻活兒，有錢既就買多架車，再打工供樓供車，有一份所謂正當的職業，就叫一個幸福美滿的生活， 人生，真的就應該係咁?
我選擇了一個不為社會接受的選擇，很多人會說是蠢，我選擇了我用興趣變成了職業，無錯，收入的確和社會認為的水平有分別，也不穩定，生活辛苦嗎，有時都幾辛苦，幸好，屋企付擔唔大。 不過，我找到了我喜歡，我認為自己活得很精彩。
由細細個我地被教導成要循規蹈矩，不可有半點過界，不要和別人不同，否則會比人笑，當係異類。
比人笑下，真係咁重要，香港人既尊嚴幾時變得咁重，又係大陸人面前變得咁弱?
人生，如果可以令別人歡笑，而自己都開心的，相對，金錢，物質又真係咁重要嗎?
好多人係我開始玩parkour既時候都笑九我，串我，到今時今日有好多人支持我，別人對自己真係有咁大影響?
係遊樂場， 連玩都要跟足規矩，小朋友被迫一日學10幾個興趣班，結果對所有失去興趣。
有好多人都話我係癲既，癩既意思，係指係大多數既認同外既不能被認同，同大多數有差異極大既距離，包括思想同行為，更在於不意別人目光在他人面前做出不被認同/其他人唔會做既野，包括好多人地會怕比人笑同監戒既事。 反過來看，呢一切，係邊個來定呢條線，點先叫正常，點先叫合乎常理?
現代社會比我地太多既框框，將人框係一個模內面，每個人都被打造到一模一樣，只要keep單，有保養証(出世紙)就可以有行貨保養。
人生唔係應該每個人都有自己既目標既咩? 細個作文總會係我的志願，大家都係工程師，醫生，差人，都係因為出於童心，做差人既為了正義，幫人，醫生為了醫人，工程師為了比身邊既人美好既生活， 大個了， 大家都只係為份糧，到底，我地被社會催眠，同化到左一個咩既地步?
我地幾時有跳返出呢個框框去想想?
上次你放膽係大家面前做既傻事係幾時，係咩事?
你既面上上一次出面從心而發既笑容係幾時?
5歲的時候，媽媽告訴我快樂是人生的關鍵。
上學以後，他們問我長大後的志願夢想是什麼？
我寫下"快樂"
他們說我沒搞清楚題目，
我告訴他們是他們沒搞清楚人生。
--偉大的john lennon
到底我地失去了幾多既想像力，創作力，開心，同自我?
出片，係希望用我自己既生活， 身體力行地去表達，人生，係應該快樂，係應該開心，係應該瘋狂，年齡，不是在於身體，是在於心靈。
年輕與否，係視乎你肯放棄幾多去同社會認為既抗衡。
我不是一個特別出色的人，只係一個特別屎忽痕的人，所以我行多了一步，用影像去記錄，更屎忽好痕地用影片去希望傳遞一點message。
抽了john lennon的水，sorry。
不過說的真是一針見血。
希望我既影像可以表達到我所想。
希望條片唔會剪得太差。
希望有d shoot 返用你地唔mind。
希望，有人會明白我講咩。
希望，有人會改變。
條片都算係上一條片"we do this coz we dun wanna waste time of life" 既part 2, 因為用左上次拍左無用既片泥剪，因為無安排過，效果應該無上次咁好，不過，走了，d片清左佢吧。
互勉之。
再一次多謝令我生命發亮既所有人，唔洗人地睇到，自己覺得自己既生命發光，有意義就夠，我信，之後可以再發光，再明亮一點。
王浩鋒
2012年8月