ROKUNGA ZAN @ INDIANA (USA)
July ni 15, 2012, 8:00zn -- 11:00zn khian Chin Center, Indianapolis, Indiana -- USA ah Mizo kan han inena kan nihna ṭhalai ber min thlirtir tlattu, hreawm tinreng karah pawh Mizo nui hawr hawr min nihtira Mizo nih tinuamtu, Mizo ṭhalaite hlim taka zaitirtu, "Mizo Poet of the Century (1901-2000)", Mizo hnam pumpui ngaihsan leh ngainat em em, Zofate tana Pathian thilthlawnpek Rokunga (1914-1969) thih champha (July ni 12) denchhanin, 'Rokunga Zan' urhsun taka hmang turin huaihawttuten hma an la mek a, chawimawi phute chawimawi kawngah leh Zofate min kuah khawma Mizona chhawm nun zel kawngah hmasawnna a nih ngei an beisei.
Rokunga Zan hi hetianga hman tura ruahman a ni:-
#Rokunga hla hmanga inpawlho
#Rokunga leh a hlate chanchin inhrilh/zirho/mipui hnena paper sem
#Hnam nunphung leh ziarang humhalh zel tura infuih tawn
#Mizo thu leh hla humhalha tichangtlung pawl din tura infuih
#Rokunga hla kan hmuh theih ang ang lak khawm, Car-a play theih tur Audio CD siama mipui hnena sem
#Rokunga phuah hnam hla, ram ngaih hla leh khuarel hla larzual 20 vel thlan chhuah, a bu-a siama mipui hnena sem
#Kal khawmten mahni remchan ang tawk sumpai ken khawm, sumpai tling khawm chu Mizo Hlakungpui Mual, Khawbung -- Mizorama hlan
Rokunga Zan huaihawttute chuan, "Tu tute emaw chuan barakhawn lovin min sawiin min sel ta pawh ni se, ṭul leh ṭha nia kan hriat, ka phak tawk kan ti a niha liamah kan beng kan hup a, kan maimitchhing bawk a ni. Rokunga ang hi Zofate zingah tam tak nei ila, chawimawi zelin Mizo hnam hi lo sang zel ila" an ti.
He Rokunga Zan hmanpuia hlutpui tur hian Indiana-a khawsa Mizote, USA State danga khawsa Mizote leh khawvel hmun hrang hranga Mizote an sawm a ni.
Zawhna leh lehkha thawn duhte tan:-
Rokunga Zan - Indiana (USA) Huaihawttute
------
Hualsailova
Cell : (001) 317 384 7856
Email : [email protected]
Lalnunmawia
Cell : (001) 317 443 2041
Email : [email protected]
Vanlalrawna
Cell : (001) 317 717 3702
Email : [email protected]
C. Thangributa
Cell : (001) 317 941 1989
Email : [email protected]
Noel Lalthangliana
Phone : (001) 317 889 1431
Email : [email protected]
Lalchhanhima
Cell : (001) 317 495 0242
Email : [email protected]