Şagirdlərin müəllimlərə hədiyyəsi.
STEAM dərsləri ilə şagirdlərin yaradıcılıq qabiliyyətləri formalaşı. Son illər ümumtəhsil məktəblərində STEAM adlı yeni innovativ, yaradıcı dərs tədris olunur. STEAM təhsil metodu beş sahəni– elm (science), texnologiya (technology), mühəndislik (engineering), incəsənət (art) və riyaziyyatı (math) (ETMİR) özündə cəmləşdirib. STEAM bu elmlərin inteqrasiyası deməkdir.
Bu tədris metodunda şagirdlər riyaziyyat və təbiət fənlərində öyrəndikləri bilikləri layihələrdə tətbiq etməklə öz yaradıcılıqlarını, qrup şəkilində işləmək bacarıqlarını, məntiqi təfəkkürlərini inkişaf etdirirlər. STEAM dərsləri düşündüklərini həyata keçirə biləcək, yaradıcı, bacarıqlı şagirdlər yetişdirmək məqsədi daşıyır.
Bakı şəhəri 295 nömrəli tam orta məktəbdə də bu metodun tətbiqinə başlanılıb.Şagirdlər belə dərs zamanı hazırladıqları maketlərindən zövq alırlar. Artıq 2 ildir ki, məktəbdə 8 Mart Beynəlxalq Qadınlar Günü münasibətilə şagirdlər müəllimlərini məhz STEAM dərslərində hazırladıqları məhsulla təbrik edib, sevindirirlər.