Lawmthu Hril Mawl Mawl Rawh - Sielmat EFCI Female Voice
Recording : Symphony Records, Sielmat
Music : Bobby R Songate
Make-up : Diana Pakhuongte
Covid 19 leia khawvêl a buoi mup mup zing hin ngaituona tam tak a fâka hringnun a suk danglam hne hle. Chuonglai zing chun ei vangnei zie hi ei ngaituo seng nuom a um tak zet. Hri ṭium inlêng leiin, sûng le kuo, sin ṭulna leia hun hmang khawm thei ta lo tam takin sûngkuoa hun hmang khawm theiin ei um. Ei theina ṭhang dêr loin nitina sin thaw theiin ei um dâm hi a va hlu de! Natna hri pakhat inlêng leiin khawvêl a buoi el hin, Lalpa ṭhang lo chun mihriem hi teplo el ei nih ti hi a sukchieng hle el. Chuleichun, Lalpa malsawmna nitina ei dawnghai hi lawm nachang hrea, Hri ṭium le harsatna hmuna khawm Lal Isu bêla, amaa ringna innghat tlat dingin Lalpa'n ngaithlatuhai po po mal sawm raw se cheu.